Расширенный поиск
29 Ноября  2022 года
Логин: Регистрация
Пароль: Забыли пароль?
  • Аллахха ийнаннган кишини, Аллах онгдурур ишин.
  • Аш иеси бла татлыды.
  • Азыгъы аз, алгъа къабар, аты аман, алгъа чабар.
  • Ашхы атаны – джашы ашхы, ашхы ананы – къызы ашхы.
  • Ачны эсинде – аш.
  • Эл элде бирер малынг болгъандан эсе, бирер тенгинг болсун.
  • Соргъан айыб тюлдю, билмеген айыбды.
  • Къайгъыны сюйген, къайгъы табар.
  • Аджашхан тёгерек айланыр.
  • Чомартны къолу берекет.
  • Ёксюзню тилеги къабыл болур.
  • Биреуню къыйынлыгъы бла кесинге джол ишлеме.
  • Джюрекге ариу – кёзге да ариу.
  • Ким бла джюрюсенг, аны кёзю бла кёрюнюрсе.
  • Кёлсюзден сёзсюз тууар.
  • Мухардан ач ычхынмаз.
  • Джюрек кёзден алгъа кёрюр.
  • Мен да «сен», дейме, сен да «кесим», дейсе.
  • Борчунг бар эсе, хурджунунга ойлаб узал.
  • Сыфатында болмагъаны, суратында болмаз.
  • Сакъламагъан затынга джолукъсанг, не бек къууанаса, не бек ачыйса.
  • Тин – байлыгъынг, терен саулугъунг.
  • Юй кюйдю да, кюйюз чыкъды, ортасындан тюйюш чыкъды.
  • Ашыкъгъан cуу, тенгизге джетмез.
  • Бетинги сатма, малынгы сат.
  • Джюрекден джюрекге джол барды.
  • Киштикге къанат битсе, чыпчыкъ къалмаз эди.
  • Телиге акъыл салгъандан эсе, ёлгеннге джан салырса.
  • Битмегеннге сакъал – танг.
  • Aдам боллукъ, сыфатындан белгили.
  • Джюз элде джюз ёгюзюм болгъандан эсе, джюз джууугъум болсун.
  • Терек ауса, отунчу – кёб.
  • Шапа кёб болса, аш татымсыз болур.
  • Тюкюрюк баш джармаз, налат кёз чыгъармаз!
  • Тюзню ётмеги тюзде къалса да, тас болмаз.
  • Ашлыкъ – бюртюкден, джюн – тюкден.
  • Иги сеники эсе да, сюйген кесимикин этеме.
  • Билген билмегенни юретген адетди.
  • Дууулдаса – бал чибин, къонса – къара чибин.
  • Джигер – джаннга къыйынлыкъ.
  • Баш болса, бёрк табылыр.
  • Нафысынгы айтханын этме, намысынгы айтханын эт.
  • Кюн кёрмеген, кюн кёрсе, кюндюз чыракъ джандырыр.
  • Аллахдан тилесенг, кёб тиле.
  • Кёлю джокъну – джолу джокъ.
  • Хата – гитчеден.
  • Ач къалгъандан, кеч къалгъан къолай.
  • Чомартха Тейри да борчлуду.
  • Таукелге нюр джауар.
  • Адам боллукъ, атламындан белгили болур.

Новые статьи

следующие 5 предыдущие 5