Расширенный поиск
28 Марта  2024 года
Логин: Регистрация
Пароль: Забыли пароль?
  • Ач да бол, токъ да бол – намысынга бек бол.
  • Кёбню кёрген – кёб билир.
  • Сёз садакъдан кючлюдю.
  • Таукел тауну аудурур.
  • Ашха уста, юйюнде болсун
  • Къонагъынгы артмагъын алма да, алгъышын ал.
  • Кесинг сынамагъан затны, адамгъа буюрма.
  • Кёб къычыргъандан – къоркъма, тынч олтургъандан – къоркъ.
  • Айыбны суу бла джууалмазса.
  • Ёлюр джаннга, ёкюл джокъ.
  • Бет бетге къараса, бет да джерге къарар.
  • Аурууну келиую тынч, кетиую – къыйын.
  • Аманны къуугъан, аманлыкъ табар.
  • Керек ташны ауурлугъу джокъ.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Келинин тута билмеген, къул этер, къызын тута билмеген, тул этер.
  • Дуния аламаты сен эсенг да, игиме деб айтма.
  • Аджаллыгъа окъсуз шкок атылыр.
  • Ишленмеклик адамлыкъды.
  • Кийиминг бла танылма, адамлыкъ бла таныл.
  • Тойгъан джерден туугъан джер игиди.
  • Тил – миллетни джаны.
  • Къолунгдан къуймакъ ашатсанг да, атаны борчундан къутулмазса.
  • Аманны эки битли тону болур, бирин сеннге кийдирир, бирин кеси киер.
  • Къарнынг къанлынга кийирир.
  • Ач къалгъандан, кеч къалгъан къолай.
  • Нёгер болсанг, тенг бол, тенг болмасанг, кенг бол.
  • Ёлген ийнек сютлю болур.
  • Ёмюрлюк шохлукъну джел элтмез.
  • Ичимден чыкъды хата, къайры барайым сата?
  • Джарлы джети элни сёзюн этер.
  • Кесине оноу эте билмеген, халкъына да эте билмез.
  • Юй ишлеген балта эшикде къалыр.
  • Ашхы болсанг, атынг чыгъар, аман болсанг, джанынг чыгъар.
  • Джолда аягъынга сакъ бол, ушакъда тилинге сакъ бол.
  • Эри аманны, къатыны – аман.
  • Тешигини къатында, чычхан да батыр болур.
  • Ашда – бёрю, ишде – ёлю.
  • Къонакъ кёб келюучю юйню, къазаны отдан тюшмез.
  • Къумурсхала джыйылсала, пилни да джыгъадыла.
  • Айран ичген – къутулду, джугъусун джалагъан – тутулду.
  • Джылкъыдан – ат чыгъар, тукъумдан – джаш чыгъар.
  • Чомартха Тейри да борчлуду.
  • Мураты болгъанны джюрек тебюую башхады.
  • Таякъ этден ётер, тил сюекден ётер.
  • Суугъа – чабакъ, къаягъа – ыргъакъ.
  • Джюз элде джюз ёгюзюм болгъандан эсе, джюз джууугъум болсун.
  • Джарлы эскисин джамаса, къууаныр.
  • Къан бла кирген, джан бла чыгъар.
  • Садакъачыны джаны – къапчыгъында.

Жулдузла себиучю тау къушубуз

03.08.2015 0 4088  Ульбашева С.
Кёб болмайын интернетде Ёлмезланы Мурадинни назмуларын бир бек сюйюп окъуйма. Аны иги таныгъанла, жашны юсюнден хапар билдирсегиз эди, деп бир адам тилейди. Малкъарда жашны танымагъан жокъду. Баям жазыууна кёре соргъан эр киши къарачайлыладан бири эди. Бюсюресегиз сизге ариуу юйюрлю, кеси да уллу тынгылы юйюрден чыкъгъан жашдан хапар билдирейим.

Ёлмез улу Мурадин «Малкъар поэманы» неда «Гошаях  бийчени» жазыб къойса окъуна Мурадинни халкъыбызгъа сюймеклиги чексиз болгъанын хар малкъарлы инсан да ангыларыкъ эди. Алай ол арымай талмай: «Мен бюгече жюреклеригизге жулдуз урлукъ себерикме, эртден бла сиз жулдуз сабанларыгъызны алтын жарыкъларын орурча»,  – деп,  сабий, жаш да, къарт да сюйген назмуларын бизге себгенлей турады.  

Тынгылачыгъыз, Аланла, бу эр кишини дуния жашаугъа, табигъатха да сюймеклигин, жумушакълыгъын, бирде уа жашаугъа сабий халаллыгъы бла окъуна къарагъанын.


Къайын бутакъчыкъ
Губу ау жаулукъчугъун 
Къысханды башына.

Не уа: 

Сейир тюйюлмюдю:
Жаланда бир кюнчюк
Жашайды гёбелек
Эртенликден ингирликге дери.

Алай къарачы,
Бир кемсизди къуанчы:
Гюлден  кюн таякъгъа,
Кюн таякъдан – гюлге,
Жашап турлукъча ёмюрлеге дери, – дейди.

Бу назмуладарында уа, эр кишилик, къатылыкъ да жюрек жарсыуу да барды.

Осалыбызны табыб,
Къуллукъ кибик берелле,
Ала уа бизге юрелле,
Ачытадыла бизни.

Бу назмусунда уа бизни малкъар халкъгъа жюрекден дау окъуна этеди:

Минги тау ёшюн салыб ёсдюргенди,
Сен а, халкъым, уялгъан этсенг а жашаргъа
Тюбде къалыб!   дейди.

Ёхтем  Къоркъмаз Мурадин: "Бёрю болуп улумагъанбыз ансы - биз кёрмеген, сынамагъан не къалды?!"

Неда: "Кимни затын тилейме мен?! Къайтарыгъыз мени Малкъарымы глобусда Таплыхан тамгъачыкъдан уллу тюйюлдю ол."

Дагъыда:
"Мен бюртюк-бюртюк жыяргъа керекме
Тоналгъан таланган Малкъарымы.
Хау, жыяргъа керекме
Жыйгъанда этерме, Инша Аллах."

Битеу халкъны жарсыуун кеси атындан айтады.

Бу закий назмучу сюймекликни да бек сынагъан, аны шербет татыуундан да татхан адамды. Къалай бийик аламлагъа кётюреди жаш сюймекликни: "Сюй, сюе эсенг, алай – сюйгенинг жыргъа салырча."

Мен къарт анам бла Хабазда жашагъанма. Бирде экинчи Чегемге къабарты элде тургъан ата-ана юйюме къонакъгъа келгенде, тийреде жашагъан жаш тёлю: "Келигиз энтда Мурадинни назмуларына тынгылаб келейик,"  дегенни айтыб, мен да ала бла келебиз. Жаш биринчиден анасы Гыттанны бурунгулу кюбюрюн ачыб, андан бир китаб чыгъарыб, андан бизге орус тилде назмула окъуйду. Мен Есенинни ол заманда биринчи андан эшитген эдим. Ол Совет власть жаратмагъан, бизде школда да аты айтылыргъа жарамагъан назмучуну сёзлерин жырныча айта эди. Кюбюрге китабны Къуранны сыйлагъанча букъдуруб, андан сора иймене, уяла, кесини ёз тилинде назмуларын бизге экзамен бергенча окъуй эди. Субай санлы, узун бурма къара чач, жашил жити кёзлю, къуш бурунлу жаш – тюз да Минги тауну ёхтем тау къушларына ушай эди. Алайда жаш тёлю назмуланы, къара сёзню да Мурадинни хайырындан сюйгендиле. Малкъар тилни тюз да жырча жырланнганын да Мурадинни назмуларындан ангылагъандыла. Ол алайда орус тилни, къабартылы тилни да ёз тиллерин билгенча таулучукълагъа жулдузланыча, жюреклерине малкъар тилге сюймекликни себгенди. 

Ульбашланы Саният, 
Нальчик

(Голосов: 1, Рейтинг: 5)

  • Нравится

Комментариев нет