Расширенный поиск
28 Марта  2024 года
Логин: Регистрация
Пароль: Забыли пароль?
  • Адам сёзюнден белгили.
  • Биреу ашаб къутулур, биреу джалаб тутулур.
  • Къонагъы джокъну – шоху джокъ.
  • Уллу сёлешме да, уллу къаб.
  • Джыйырма къойну юч джыйырма эбзе кюте эди.
  • Этни да ашады, бетни да ашады.
  • Ариу сёз аурууунгу алыр.
  • Кирсизни – саны таза, халалны – къаны таза.
  • Орундукъ тюбюнде атылсам да, орта джиликме, де да айлан.
  • Ат басханны джер билед.
  • Намыс болмагъан джерде, насыб болмаз.
  • Эл тойса, тоймагъан, эл къойса, къоймагъан.
  • Биреу къой излей, биреу той излей.
  • Кесинге джетмегенни, кёб сёлешме.
  • Хар адамгъа кеси миннген тау кибик.
  • Рысхысына кёре, джаш ёсер, къышлыгъына кёре, мал ёсер.
  • Аууз сакълагъан – джан сакълар.
  • Джашда акъыл джокъ, къартда къарыу джокъ.
  • Оюмсуз атлагъан, аджалсыз ёлюр.
  • Аман адамны тепсинге олтуртсанг, къызынгы тилер.
  • Байлыкъ адамны сокъур этер.
  • Хоншуну тауугъу къаз кёрюнюр, келини къыз кёрюнюр.
  • Ким бла джюрюсенг, аны кёзю бла кёрюнюрсе.
  • Бермеген къол, алмайды.
  • Къазанны башы ачыкъ болса, итге уят керекди.
  • Сангырау къулакъ эл бузар.
  • Тешигини къатында, чычхан да батыр болур.
  • Чомартха хар кюн да байрамды.
  • Билимден уллу байлыкъ джокъду.
  • Айныгъанлы алты кюн, тогъайгъанлы тогъуз кюн.
  • Тюзню ётмеги тюзде къалса да, тас болмаз.
  • Баш болса, бёрк табылыр.
  • Ачны эсинде – аш.
  • Гитче джилтин уллу элни джандырыр.
  • Эркишини аманы тиширыуну джылатыр.
  • Ушамагъан – джукъмаз.
  • Эл ауузу – элия.
  • Биреуге аманлыкъ этиб, кесинге игилик табмазса.
  • Уллу айтханны этмеген – уллаймаз.
  • Чабакъсыз кёлге къармакъ салгъанлыкъгъа, чабакъ тутмазса.
  • Билим – акъылны чырагъы.
  • Эр абынмай, эл танымаз.
  • Кёпюр салгъан кеси ётер, уру къазгъан кеси кетер.
  • Айтханы чапыракъдан ётмеген.
  • Къуллукъчума, деб махтанма, къуллукъ – хаух джамчыды!
  • Ёзденликни кёбю ётюрюк.
  • Босагъа таш юйге кирмей эди, тыбыр таш эшикге чыкъмай эди.
  • Юйлю уругъа ит чабмаз.
  • Садакъачыны джаны – къапчыгъында.
  • Акъдан къара болмаз.

Наши Ремейки ;)

Файлов: 12

Обновлен: 28.08.2011

  • Багъалы мени къартларым
(Голосов: 11, Рейтинг: 4.73)

Описание

Дата: 04.03.2009
Прослушиваний: 4879
Скачиваний: 1833
Размер: 4.35 МБ

Комментарии (1)

    Джаратама0
    Сэстренка
    07.01.2017 01:15:22
    Уллайгъанла мени къартларым,
    Башлары да бирден агъаргъанды.
    Туудукъла туугъанлы тюрлениб,
    Анама "къарт ання" аталгъанды.

    Маллары къайгъылыды атам.
    Алагъа аш сала кечинед.
    Кёзлери ышарыб, къол тутсам,
    Ичинде къуанчын билдиред.

    Эжиу:
    Джанымдан бек сюйген къартларым,
    Джууукъда да сизни тансыкълайма.
    Адебли, намыслы къартларым,
    Узакъда да сизни къучакълайма.

    Анамы юй иши тохтаусуз,
    Къой дегенни унамай барады.
    Ишлерге кюрешиб аяусуз,
    Бизлеге кёб къоркъуу да салады.

    Туудукъла чабышыб джетселе,
    Ийнакълаб, табханы бла сыйлайд.
    Сыркыула, хатала этселе,
    Урушдурмай, бизден къоруулайд.

    Эжиу.

    Юйюрге этгенлей насихат,
    Бир Аллах бла, тийре бла джашайсыз.
    Къуанчха къураласыз рахат,
    Бушуугъа ашыгъыш атланасыз.

    Къонакъла джасалыб келселе,
    Алагъа сиз чексиз къуана,
    Джасатасыз тёрде тепсиле,
    Келинле да эте хычынла.

    Эжиу.

    Джууугъум, миллетим дегенлей,
    Уллугъа, гитчеге къайгъырасыз.
    Сау-эсен, ауруусуз, биргелей,
    Насыбха бёлениб, кёб джашагъыз!

    Джанымы мен сизден аямам,
    Этерге кюреширме разы.
    Кёкледе да болмаз бир инсан
    Экигизча меннге багъалы!

    Эжиу.
    • Зарегистрируйтесь чтобы пользоваться плейлистом.