Расширенный поиск
28 Марта  2024 года
Логин: Регистрация
Пароль: Забыли пароль?
  • Ашхы болсанг, атынг чыгъар, аман болсанг, джанынг чыгъар.
  • Окъумагъан сокъурду, сокъур ташха абыныр!
  • Малны кют, джерни тюрт.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ышармагъан – кюлмез, кюлмеген – къууанчны билмез.
  • Мадар болса, къадар болур.
  • Аш иеси бла татлыды.
  • Эки ойлашыб, бир сёлешген.
  • Ата – билек, ана – джюрек!
  • Къатын байлыкъны сюер, эр саулукъну сюер.
  • Ачыкъ джюрекге джол – ачыкъ.
  • Башланнган иш битер, къымылдагъан тиш тюшер.
  • Къонакъ болсанг, ийнакъ бол.
  • Садакъачыны джаны – къапчыгъында.
  • Тилде сюек болмаса да, сюек сындырыр.
  • Таукел тауну аудурур.
  • Тенгинг джокъ эсе – изле, бар эсе – сакъла!
  • Ашхы сёз таш тешер.
  • Джыгъылгъанны сырты джерден тоймаз.
  • Чыкълы кюнде чыкъмагъан, чыкъса къуру кирмеген.
  • Абынмазлыкъ аякъ джокъ, джангылмазлыкъ джаякъ джокъ.
  • Ашыкъгъан cуу, тенгизге джетмез.
  • От этилмеген джерден тютюн чыкъмайды.
  • Къатын къылыкъсыз, эр тынчлыкъсыз.
  • Къыз чыгъаргъан – къызыл къымжа.
  • Сабыр джетер муратха, сабырсыз къалыр уятха.
  • Игиге айтсанг – билир, аманнга айтсанг – кюлюр.
  • Къралынгы – душмандан, башынгы от бла суудан сакъла.
  • Джюрекден джюрекге джол барды.
  • Адеб джокъда, намыс джокъ.
  • Кёрмегеннге кебек – танг, битмегеннге сакъал – танг.
  • Къонакъны къачан кетерин сорма, къачан келлигин сор.
  • Алтыннга тот къонмаз.
  • Кеси юйюмде мен да ханма.
  • Айтылгъан сёз ызына къайтмаз.
  • Булут кёкге джарашыу, уят бетге джарашыу.
  • Ишге юренсин къоллары, халкъ бла болсун джоллары.
  • Бир абыннган – минг сюрюнюр.
  • Чыбыкълыкъда бюгюлмеген, къазыкълыкъда бюгюлмей эди.
  • Урунуу – насыбны анасы.
  • Чомартха Тейри да борчлуду.
  • Окъдан джара эртде-кеч болса да бителир, сёз джара, ёмюрге къалыр.
  • Аман киши кеси юйюнде – къонакъ.
  • Эл тойса, тоймагъан, эл къойса, къоймагъан.
  • Эркишини аманы тиширыуну джылатыр.
  • Джуртун къоругъан озар.
  • Билимсиз иш бармаз.
  • Насыблы элин сюер, насыбсыз кесин сюер.
  • Ата – баланы уясы.
  • Айныгъанлы алты кюн, тогъайгъанлы тогъуз кюн.

Аппаев Алим

Файлов: 46

Обновлен: 06.07.2017

  • Аппаев Алим Бизни Къарачай
(Голосов: 28, Рейтинг: 4.64)

Описание

Дата: 29.09.2012
Прослушиваний: 4872
Скачиваний: 2515
Размер: 7.63 МБ
Текст песни:
музыка Мустафира Жеттеева
стихи Муссы Батчаева

Келинчикча къубулады булутлада ай.
Тау арада къуш уяча турад Къарачай.
Джулдузланы мутхуз этиб, джарытады ай.
Тынчаяды тау арада бизни Къарачай.

Нарат мюйюз джайылгъанды рахат эллеге.
Джулдуз джарыкъ тёгюледи тау ёзенлеге.
Джулдузланы мутхуз этиб, джарытады ай.
Тынчаяды тау арада бизни Къарачай.

Сен къатымда олтураса, сол къолну къыса.
Бек сюерге, кёб сюерге этилгенди ай.
Джулдузланы мутхуз этиб, джарытады ай.
Тынчаяды тау арада бизни Къарачай. 

Комментариев нет

  • Зарегистрируйтесь чтобы пользоваться плейлистом.