Расширенный поиск
20 Апреля 2024 года
Логин: Регистрация
Пароль: Забыли пароль?
Навигация
Словарь
  • Этим кетсе да, сюегим къалыр.
  • Агъач халкъгъа алтынды, иссиликге салкъынды.
  • Тёзген – тёш ашар!
  • Бал ашаргъа сюе эсенг, чибин ургъаннга тёз.
  • Ачыу алгъа келсе, акъыл артха къалады.
  • Мураты болгъанны джюрек тебюую башхады.
  • Баргъанынга кёре болур келгенинг.
  • Къолу уллу – асыу, аягъы уллу – джарсыу.
  • Къарт айтханны этмеген, къартаймаз.
  • Агъач – джерни чырайы, кийим – эрни чырайы.
  • Болджал ишни бёрю ашар.
  • Къонагъы джокъну – шоху джокъ.
  • Орундукъ тюбюнде атылсам да, орта джиликме, де да айлан.
  • Тойгъа алгъа да барма, тойда артха да къалма.
  • Эл тойса, тоймагъан, эл къойса, къоймагъан.
  • Биреу ашаб къутулур, биреу джалаб тутулур.
  • Абынмазлыкъ аякъ джокъ, джангылмазлыкъ джаякъ джокъ.
  • Ана къолу ачытмаз.
  • Джолунга кёре – джюрюшюнг, джагъанга кёре – юлюшюнг.
  • Бозанг болмагъан джерге, къалагъынгы сукъма.
  • Тойгъан джерден туугъан джер игиди.
  • Сютден ауузу кюйген, суугъа юфгюре эди.
  • Келинни – келгинчи, бёркню кийгинчи кёр.
  • Ариу сёз – джаннга азыкъ, аман сёз – башха къазыкъ.
  • Бетинги сатма, малынгы сат.
  • Окъуусуз билим – джокъ, билимсиз кюнюнг – джокъ.
  • Джол бла сёзню къыйыры джокъ.
  • Аман адам этегингден тутса, кес да къач.
  • Къартны сыйын кёрмеген, къартлыгъында сыйлы болмаз.
  • Ишлегенден, къарагъан уста.
  • Ашлыкъ – бюртюкден, джюн – тюкден.
  • Урама да – ёледи, сатама да – келеди.
  • Ашхы – джыяр, аман – джояр.
  • Ёксюзню къалачы уллу кёрюнюр.
  • Нафысынгы айтханын этме, намысынгы айтханын эт.
  • Аджашханны ызындагъы кёреди, джангылгъанны джанындагъы биледи.
  • Айраннга суу къош, телиге джол бош.
  • Эрни эр этерик да, къара джер этерик да, тиширыуду.
  • Къарт бла баш аша, джаш бла аякъ аша.
  • Чомарт бергенин айтмаз.
  • Этни бети бла шорпасы.
  • Мухар, кеси тойса да, кёзю тоймаз.
  • Келлик заман – къартлыкъ келтирир, кетген заман – джашлыкъ ёлтюрюр.
  • Тилсиз миллет джокъ болур.
  • Кийимни бичсенг, кенг бич, тар этген къыйын тюлдю.
  • Уллу айтханны этмеген – уллаймаз.
  • Тели турса – той бузар.
  • Иги сёз – джаннга азыкъ, аман сёз башха – къазыкъ.
  • Уясында не кёрсе, учханында аны этер.
  • Ётюрюк хапар аякъ тюбю бла джюрюйдю.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 11, Рейтинг: 4.64)

Описание

Дата: 17.11.2012
Прослушиваний: 9471
Скачиваний: 2892
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.