Радио

Джашда акъыл джокъ, къартда къарыу джокъ.
Танг атмайма десе да, кюн къоярыкъ тюйюлдю.
Дуния малгъа сатылма, кесингден телиге къатылма.
Адеб этмеген, адеб кёрмез.
Аджаллыгъа окъсуз шкок атылыр.
Тыш элде солтан болгъандан эсе, кесинги элде олтан болгъан игиди!
Артына баргъанны, къатына барма.
Аманнга да, игиге да оноусуз къатышма.
Сормай – алма, чакъырылмай – барма.
Ауругъаннга – кийик саулукъ, джетген къызгъа – чилле джаулукъ.
Къулакъдан эсе, кёзге ышан.
Айран ичген – къутулду, джугъусун джалагъан – тутулду.
Ашаса, ашамаса да, бёрюню ауузу – къан.
Булут кёкге джарашыу, уят бетге джарашыу.
Чомартха хар кюн да байрамды.
Тенгни тенглиги джашай барсанг билинир.
Акъыллы башны – тили къысха.
Кесинге джетмегенни, кёб сёлешме.
Биреу къой излей, биреу той излей.
Ётген ёмюр – акъгъан суу.
Душманны тышы – акъ, ичи – къара.
Мени джылытмагъан кюн, меннге тиймесин!
Адеби болмагъан къыз – тузсуз хант.
Кёб джат да, бек чаб.
Билимден уллу байлыкъ джокъду.
Джангыз терек къынгыр ёсер.
Чалманны аллы къалай башланса, арты да алай барады.
Джарлыны тону джаз битер.
Къозулугъунда тоймагъан, къойлугъунда тоймаз.
Билими азны – ауузунда кирит.
Хар адамгъа кеси миннген тау кибик.
Ариу сёз – джаннга азыкъ, аман сёз – башха къазыкъ.
Къууут – джелге, берне – бошха.
Кенгеш болса, уруш болмаз.
Къолу уллу – асыу, аягъы уллу – джарсыу.
Намысы джокъну – дуниясы джокъ.
Къобан да къуру да къобханлай турмайды, адам да къуру да патчахлай турмайды.
Сагъыш – къартлыкъгъа сюйюмчю.
Атадан ёксюз – бир ёксюз, анадан ёксюз – эки ёксюз.
Ачны эсинде – аш.
Хазыр ашха – терен къашыкъ.
Эркиши – от, тиширыу – суу.
Хаухну атма, ёнгкючню сатма.
Тойчу джашха къарама, къойчу джашха къара.
Болджал ишни бёрю ашар.
Аллахха ийнаннган кишини, Аллах онгдурур ишин.
Ариу сёз – къылычдан джити.
Ёксюзню тилеги къабыл болур.
Къонакъны къачан кетерин сорма, къачан келлигин сор.
Ата Джуртча джер болмаз, туугъан элча эл болмаз.

Чат

Внимание!