- Арбаз сайлама да, хоншу сайла.
- Чакъырылмай келген къонакъ сыйланмай кетер.
- «Ёгюз, джаргъа джууукъ барма, меннге джюк боллукъса», - дегенди эшек.
- Тилчи бир сагъатха айлыкъ хата этер.
- Тюз сёз баргъан сууну тыяр.
- Эрни эр этерик да, къара джер этерик да, тиширыуду.
- Къалгъан ишге къар джауар.
- Джаным-тиним – окъуу, билим.
- Тенгни тенглиги джашай барсанг билинир.
- Бек анасы джыламаз.
- Ач да бол, токъ да бол – намысынга бек бол.
- Сютню башын джалагъан къутулур, тюбюн ичген тутулур.
- Ургъан суудан башынгы сакъла.
- Джыгъылгъанны сырты джерден тоймаз.
- Джашда акъыл джокъ, къартда къарыу джокъ.
- Нёгерсизни джолу узун.
- Гырджын – тепсини тамадасы.
- Арпа, будай – ащды, алтын, кюмюш а – ташды.
- Гитче джилтин уллу элни джандырыр.
- Билим насыб берир, билим джолну керир.
- Адамгъа аман кюн соруб келмейди.
- Айран тёгюлсе, джугъусу къалыр.
- Айранын берсенг, челегин да къызгъанма.
- Бети къызарыучу адамны, джюреги харам болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Къатыны харакетли болса, эри къымсыз болур.
- Тойгъан джерге джети къайт.
- Ашатыргъа иш – ашхы, ишлетирге аш – ашхы.
- Аджалсыз ёлюм болмаз.
- Келгинчи, къонакъ уялыр, келгенден сора, къонакъбай уялыр.
- Тыш элде солтан болгъандан эсе, кесинги элде олтан болгъан игиди!
- Татлы сёз – балдан татлы.
- Адам сёзге тынгыла, акъыл сёзню ангыла.
- Ата – баланы уясы.
- Рысхы джалгъанды: келген да этер, кетген да этер.
- Иши джокъну, сыйы джокъ.
- Намысы болмагъанны, сыйы болмаз.
- Ишин билген, аны сыйын чыгъарады.
- Кюлме джашха – келир башха.
- Къар – келтирди, суу – элтди.
- Бермеген къол, алмайды.
- Асхат ашлыкъ сата, юйдегиси ачдан къата.
- Таш ата билмеген, башына урур.
- Ишлемеген – тишлемез.
- Байлыкъ келсе, акъыл кетер.
- Джол бла сёзню къыйыры джокъ.
- Ауругъан – джашаудан умутчу.
- Къонакъ болсанг, ийнакъ бол.
- Эл тойса, тоймагъан, эл къойса, къоймагъан.
- Сууда джау джокъ, кёб сёзде магъана джокъ.
Внимание!
Чат доступен только авторизованным пользователям.