Аудио :: Аудио:: Тартыула / Tartıula

Сибиртки да сыйлы болду, кюрек да кюнлю болду.
Иесиз малны бёрю ашар.
Джарлыны тону джаз битер.
Аман хансны – урлугъу кёб.
Ашхы болсанг, атынг чыгъар, аман болсанг, джанынг чыгъар.
Айраннга суу къош, телиге джол бош.
Тойгъан джерге джети къайт.
Ойнай билмеген, оюн бузар.
Акъыллы айтыр эди, акъылсыз къоймайды.
Айран ичген – къутулду, джугъусун джалагъан – тутулду.
Айранын берсенг, челегин да къызгъанма.
Бёрю да ач къалмасын, эчки да ашалмасын.
Гыдай эчки суугъа къараб, мюйюзле кёрмесе, джашма алкъын, дегенди.
Элге къуллукъ этмеген, элге ие болмаз.
Мал кёб болса, джууукъ кёб болур.
Кёб джашагъан – кёб билир.
Хар ишни да аллы къыйынды.
Къартны сыйын кёрмеген, къартлыгъында сыйлы болмаз.
Азыгъы аз, алгъа къабар, аты аман, алгъа чабар.
Кесинг сынамагъан затны, адамгъа буюрма.
Иши джокъну, сыйы джокъ.
Ишлемеген – тишлемез.
Джауумдан сора, кюн кюйдюрюр, ётюрюкден сора, айыб кюйдюрюр.
Биреуню эскиси биреуге джангы болмайды.
Билими азны – ауузунда кирит.
Керилген да, ургъан кибикди.
Суу да къайтады чыкъгъан джерине.
Ушамагъан – джукъмаз.
Сютден ауузу кюйген, суугъа юфгюре эди.
Ачыкъ джюрекге джол – ачыкъ.
Атлыны кёрсе, джаяуну буту талыр.
Чарсда алчыны эл кёреди.
Айтылгъан сёз ызына къайтмаз.
Адамны сабийин сюйген джюреги, бычакъча, джитиди.
Огъурлуну сёзю – суу, огъурсузну сёзю – уу.
Джаным-тиним – окъуу, билим.
Иги адамны бир сёзю эки болмаз.
Джаш болсун, къыз болсун, акъылы, саны тюз болсун.
Мал ёлсе, сюек къалыр, адам ёлсе, иши къалыр.
Бозаны арты дауур болур.
Эри аманны, къатыны – аман.
Ачлыкъ отха секиртир.
Ашлыкъны арба юйге келтирир, чана базаргъа элтир.
Къазанны башы ачыкъ болса, итге уят керекди.
Ёлмесенг да, къарт дамы болмазса?
Билимден уллу байлыкъ джокъду.
Айтханы чапыракъдан ётмеген.
Мадар болса, къадар болур.
Бети къызарыучу адамны, джюреги харам болмаз.
Джарлы эскисин джамаса, къууаныр.

Логин:	Регистрация

Пароль:	Забыли пароль?

Запомнить меня

Аудио

Тартыула / Tartıula

Скачать

Адрес