Песен: 28 Создан:
06.05.2015 Обновлен:
29.01.2018
| 25 Апреля | 2024 года |
Навигация
- Кюн кёрмеген, кюн кёрсе, кюндюз чыракъ джандырыр.
- Алгъанда – джууукъ, бергенде – джау.
- Ана – юйню кюн джарыгъы.
- Тешигини къатында, чычхан да батыр болур.
- Чарсда алчыны эл кёреди.
- Сагъышы джокъ – джукъучу, акъылы джокъ – къаугъачы.
- Суу ичген шауданынга тюкюрме.
- Мен да «сен», дейме, сен да «кесим», дейсе.
- Тойгъан джерге джети къайт.
- Чомарт бергенин айтмаз.
- Кёзден кетген, кёлден да кетеди.
- Кёбден умут этиб, аздан къуру къалма.
- Баланы адам этген анады.
- Берекет берсин деген джерде, берекет болур.
- Кесинг сынамагъан затны, адамгъа буюрма.
- Зар адамны насыбы болмаз.
- Сибиртки да сыйлы болду, кюрек да кюнлю болду.
- Тамчы таш тешер.
- Чоюнну башы ачыкъ болса, итге уят керекди.
- Эринчекни аурууу – кёб.
- Дуния мал дунияда къалады.
- Мал кёб болса, джууукъ кёб болур.
- Махтаннган къыз, тойда джукълар.
- Ишленмеген джаш – джюгенсиз ат, ишленмеген къыз – тузсуз хант.
- Тойгъан антын унутур.
- Окъдан джара эртде-кеч болса да бителир, сёз джара, ёмюрге къалыр.
- Аджашханны ызындагъы кёреди, джангылгъанны джанындагъы биледи.
- Бичгенде ашыкъма, тикгенде ашыкъ.
- Билмезни кёзю кёрмез, этмезни къулагъы эшитмез.
- Сёз сёзню айтдырыр.
- Аз сёлешген, къайгъысыз турур.
- Тенгинг джокъ эсе – изле, бар эсе – сакъла!
- Сютден ауузу кюйген, суугъа юфгюре эди.
- Аурууну келиую тынч, кетиую – къыйын.
- Ариу сёз джыланны орнундан чыгъарыр.
- Ана къойну – балагъа джандет.
- Ата Джуртун танымагъан, атасын да танымаз.
- Ашхы болсанг, атынг чыгъар, аман болсанг, джанынг чыгъар.
- Азыгъы аз, алгъа къабар, аты аман, алгъа чабар.
- Кёзюнде тереги болгъан, чёбю болгъаннга кюле эди.
- Къазанда болса, чолпугъа чыгъар.
- Гугурук къычырмаса да, тангны атары къалмаз.
- Эм ашхы къайын ана мамукъ бла башынгы тешер.
- Таукелге нюр джауар.
- Сескекли кесин билдирир.
- Ётюрюкню башын керти кесер.
- Билген билмегенни юретген адетди.
- Кийиминг бла танылма, адамлыкъ бла таныл.
- Накъырданы арты керти болур.
- Тыш элде солтан болгъандан эсе, кесинги элде олтан болгъан игиди!
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
