Аудио :: Аудио:: Хасаитов Руслан

Рысхы джалгъанды: келген да этер, кетген да этер.
Эри аманны, къатыны – аман.
Аманнга игилик этсенг, юйюнге сау бармазса.
Джылыгъа джылан илешир.
Аууздан келген, къолдан келсе, ким да патчах болур эди.
Суу ичген шауданынга тюкюрме.
Телини эшигин, махтау джабар.
Сагъышы джокъ – джукъучу, акъылы джокъ – къаугъачы.
Тамбла алтындан бюгюн багъыр ашхы.
Арбаз къынгырды да, ийнек сауалмайма.
Кёл – къызбай, къол – батыр.
Айтылгъан сёз ызына къайтмаз.
Чёбню кёлтюрсенг, тюбюнден сёз чыгъар.
Къралынгы – душмандан, башынгы от бла суудан сакъла.
Ашхы тенг джолгъа салыр, аман тенг джолдан тайдырыр.
Чарсда алчыны эл кёреди.
Адамны адамлыгъы къыйынлыкъда айгъакъланады.
Эр абынмай, эл танымаз.
Адамны аты башхача, акъылы да башхады.
Суугъа – таянма, джаугъа – ийнанма.
Бёрю да ач къалмасын, эчки да ашалмасын.
Чалманны аллы къалай башланса, арты да алай барады.
Чомарт бергенин айтмаз.
Аман адам элни бир-бирине джау этер.
Аман къатын сабий табса, бий болур…
Кюлме джашха – келир башха.
Джыланны къуйругъундан басарынг келсе, аны башы болгъанын унутма.
Иги сеники эсе да, сюйген кесимикин этеме.
Ушамагъан – джукъмаз.
Аман адам этегингден тутса, кес да къач.
Джигер – джаннга къыйынлыкъ.
Адебни адебсизден юрен.
Эл ауузу – элек, анга ийнаннган – халек.
Тёзген – тёш ашар!
Джауумдан сора, кюн кюйдюрюр, ётюрюкден сора, айыб кюйдюрюр.
Сангырау къулакъ эл бузар.
Ашда уялгъан – мухар, ишде уялгъан – хомух.
Къазанчы аман болса, къазаны къайнамаз.
Телиге от эт десенг, юйюнге от салыр.
Джумушакъ терекни къурт ашар.
Билмегенинги, билгеннге сор.
Къобан да къуру да къобханлай турмайды, адам да къуру да патчахлай турмайды.
Ёнгкюч къууана барыр, джылай келир.
Узун джолну барсанг, бюгюн келирсе, къысха джолну барсанг, тамбла келирсе.
Джеринден айырылгъан – джети джылар, джуртундан айырылгъан – ёлгюнчю джылар.
Ач, тоймам, дейди, тойгъан, ач болмам, дейди.
Кёзю сокъурдан – къоркъма, кёлю сокъурдан – къоркъ.
Огъурлуну сёзю – суу, огъурсузну сёзю – уу.
Адам бла мюлк юлешмеген эсенг, ол адамны билиб бошагъанма, деб кесинги алдама.
Окъдан джара эртде-кеч болса да бителир, сёз джара, ёмюрге къалыр.

Логин:	Регистрация

Пароль:	Забыли пароль?

Запомнить меня

Аудио

Хасаитов Руслан

Скачать

Адрес