Аудио :: Аудио:: Чагилов Роберт

Байлыкъдан саулукъ ашхыды.
Биреуге аманлыкъны тилеме да, кесинге ашхылыкъны тиле.
Чомартны къолу берекет.
Келинин тута билмеген, къул этер, къызын тута билмеген, тул этер.
Билим – акъылны чырагъы.
Ургъан суудан башынгы сакъла.
Ашлыкъны арба юйге келтирир, чана базаргъа элтир.
Тау башында, тау болмаз, джангыз терек, бау болмаз.
Кюлме джашха – келир башха.
Ичимден чыкъды хата, къайры барайым сата?
Акъыл къартда, джашда тюйюлдю – башдады.
Сютден ауузу кюйген, суугъа юфгюре эди.
Джуртун къоругъан озар.
Ёпкелегенни ашы татлы болады.
Байдан умут эте, джарлыдан ёгюз багъасы къорады.
Кёб къычыргъандан – къоркъма, тынч олтургъандан – къоркъ.
Тас болгъан бычакъны сабы – алтын.
Ким бла джюрюсенг, аны кёзю бла кёрюнюрсе.
Эки ойлашыб, бир сёлешген.
Джолунга кёре – джюрюшюнг, джагъанга кёре – юлюшюнг.
Ариу сёз джыланны орнундан чыгъарыр.
Ишлемеген – тишлемез.
Этим кетсе да, сюегим къалыр.
Кёл ашады да, кеси ашады.
Керилген да, ургъан кибикди.
Сибиртки да сыйлы болду, кюрек да кюнлю болду.
Окъуусуз билим – джокъ, билимсиз кюнюнг – джокъ.
Джетген къыз джерли эшекни танымаз.
Къуру гыбыт бек дыгъырдар.
Ашатыргъа иш – ашхы, ишлетирге аш – ашхы.
Аман къатын сабий табса, бий болур…
Джангызны оту джарыкъ джанмаз!
Эрни эр этерик да, къара джер этерик да, тиширыуду.
Адеби болмагъан къыз – тузсуз хант.
Къалгъан ишге къар джауар.
Экиндини кеч къылсанг, чабыб джетер ашхам.
Малны кют, джерни тюрт.
Джарлыны эшигин махтагъан джабар.
Акъыллы – эл иеси, тели – эл баласы.
Нёгерсизни джолу узун.
Джумушакъ сёз къаты таякъны сындырыр.
Насыблы элин сюер, насыбсыз кесин сюер.
Насыб бютеу халкъны юлюшюдю.
Къарны аманнга къазан такъдырма, къолу аманнга от джакъдырма.
Айран ичген – къутулду, джугъусун джалагъан – тутулду.
Билмезни кёзю кёрмез, этмезни къулагъы эшитмез.
Къолу уллу – асыу, аягъы уллу – джарсыу.
Суу ичген шауданынга тюкюрме.
Къарын къуру болса, джюрек уру болур.
Сёз садакъдан кючлюдю.

Логин:	Регистрация

Пароль:	Забыли пароль?

Запомнить меня

Аудио

Чагилов Роберт

Скачать

Адрес