Аудио :: Аудио:: Дудов Динислам

Сормай – алма, чакъырылмай – барма.
Эри аманны, къатыны – аман.
Сабыр джетер муратха, сабырсыз къалыр уятха.
Атынг аманнга чыкъгъандан эсе, джанынг тамагъынгдан чыкъсын.
Кёпюр салгъан кеси ётер, уру къазгъан кеси кетер.
Акъылсызны джууукъгъа алма, акъыллыны кенгнге салма.
Къатын байлыкъны сюер, эр саулукъну сюер.
Байма, деб да, къууанма, джарлыма, деб да, джылама.
Ёгюзню мюйюзлери ауурлукъ этмейдиле.
Ханнга да келеди хариблик.
Тойгъанлыкъ къойгъа джарашады.
Хоншуну тауугъу къаз кёрюнюр, келини къыз кёрюнюр.
Аш иеси бла татлыды.
Керти сёзге тёре джокъ.
Ач къалгъандан, кеч къалгъан къолай.
Къонагъы джокъну – шоху джокъ.
Этни бети бла шорпасы.
Айныгъанлы алты кюн, тогъайгъанлы тогъуз кюн.
Айтхан сёзюне табылгъан.
Чарсда алчыны эл кёреди.
Сыфатында болмагъаны, суратында болмаз.
Аз сёлеш, кёб ишле.
Тёрдеги кюлсе, эшикдеги ышарыр.
Орну джокъну – сыйы джокъ.
Татлы сёз – балдан татлы.
Миллетни бойну – базыкъ, аны бла кюрешген – джазыкъ.
Махтаннган къыз, тойда джукълар.
Къартха ушагъан джаш – акъыллы, джашха ушагъан къарт – тели.
Чыкълы кюнде чыкъмагъан, чыкъса къуру кирмеген.
Чоюнну башы ачыкъ болса, итге уят керекди.
Ата джурт – алтын бешик.
Агъач халкъгъа алтынды, иссиликге салкъынды.
Эринчекни аурууу – кёб.
Юйюнгден чыкъдынг – кюнюнгден чыкъдынг.
Таякъ этден ётер, тил сюекден ётер.
Ат да турмайды бир териде.
Къонакъ болсанг, ийнакъ бол.
Ишлемеген – тишлемез.
Ашын ашагъанынгы, башын да сыйла.
Сангырау къулакъ эл бузар.
Тыш элде солтан болгъандан эсе, кесинги элде олтан болгъан игиди!
Сёз садакъдан кючлюдю.
Ач келгенни – тойдур, кеч келгенни – къондур.
Адам къаллай бир ишленмесе, аллай бир кесин уллу кёреди.
Зар адам ашынгы ашар, кесинги сатар.
Къарнынг тойгъунчу аша да, белинг талгъынчы ишле.
Босагъа таш юйге кирмей эди, тыбыр таш эшикге чыкъмай эди.
Садакъачыны джаны – къапчыгъында.
Кёлсюзден сёзсюз тууар.
Дуния малгъа сатылма, кесингден телиге къатылма.

Логин:	Регистрация

Пароль:	Забыли пароль?

Запомнить меня

Аудио

Дудов Динислам

Скачать

Адрес