Аудио :: Аудио:: Боташева Зурият

Сабийни джумушха джибер да, ызындан бар.
Босагъагъа джууукъ орун болса, ашыгъыб тёрге озма.
Сютден ауузу кюйген, суугъа юфгюре эди.
Хазыр ашха – терен къашыкъ.
Тели турса – той бузар.
Ёлген ийнек сютлю болур.
Аджалсыз ёлюм болмаз.
Эшекни не къадар тюйсенг да, ат болмаз.
Билимли ёлмез, билимсиз кёрмез.
Гыдай эчки суугъа къараб, мюйюзле кёрмесе, джашма алкъын, дегенди.
Эте билген, этген этеди, эте билмеген, юретген этеди!
Джырчы ёлсе, джыры къалыр.
Тойну къарнашы – харс, джырны къарнашы – эжиу.
Ач отунчуну ачыуу – бурнунда.
Сууда джау джокъ, кёб сёзде магъана джокъ.
Зар адам ашынгы ашар, кесинги сатар.
Байны оноуу, джарлыгъа джарамаз.
Ата Джуртча джер болмаз, туугъан элча эл болмаз.
Юреннген ауруу къалмаз.
Адам къыйынлыгъын кёлтюрюр, зауукълугъун кёлтюрмез.
Бал ашаргъа сюе эсенг, чибин ургъаннга тёз.
Игиге айтсанг – билир, аманнга айтсанг – кюлюр.
Термилгенинги табмазса, кюлгенинге тюберсе.
Эртде тургъан бла эртде юйленнген сокъуранмаз.
Джарлы эскисин джамаса, къууаныр.
Джарлы тюеге минсе да, ит къабар.
Соргъан айыб тюлдю, билмеген айыбды.
Гугук кесини атын айтыб къычыргъанча, мен, мен деб нек тураса?
Тыш элде солтан болгъандан эсе, кесинги элде олтан болгъан игиди!
Алтыда кюлмеген, алтмышда кюлмез.
Ашын ашагъанынгы, башын да сыйла.
Керти сёзге тёре джокъ.
Эл ауузу – элек, анга ийнаннган – халек.
Къарын къуру болса, джюрек уру болур.
Билим насыб берир, билим джолну керир.
Джарлы джети элни сёзюн этер.
Башы джабылгъан челекге, кир тюшмез.
Билмейме деген – бир сёз
Адамны джюреги нени кёрюрге сюйсе, кёзю да аны кёрюрге ёч болады.
Къартны бурнун сюрт да, оноугъа тут.
Ач бёрюге мекям джокъ.
Тёзген – тёш ашар!
Эри аманны, къатыны – аман.
Кесинге джетмегенни, кёб сёлешме.
Кёб ант этген, кёб ётюрюк айтыр.
Намысы джокъну – дуниясы джокъ.
Ана къойну – балагъа джандет.
Ауузу аманнга «иги», деме.
Артына баргъанны, къатына барма.
Аджашхан тёгерек айланыр.

Логин:	Регистрация

Пароль:	Забыли пароль?

Запомнить меня

Аудио

Боташева Зурият

Скачать

Адрес