Аудио :: Аудио:: Джёгетей (группа)

Мал кёб болса, джууукъ кёб болур.
Акъдан къара болмаз.
Миллетни бойну – базыкъ, аны бла кюрешген – джазыкъ.
Тилчиден кери бол.
Ёгюзню мюйюзюнден тутадыла, адамны сёзюнден тутадыла.
Ауузу аманнга «иги», деме.
Суугъа – чабакъ, къаягъа – ыргъакъ.
Аууздан келген, къолдан келсе, ким да патчах болур эди.
Эркиши – от, тиширыу – суу.
Къан бла кирген, джан бла чыгъар.
Уллу сёзде уят джокъ.
Ауузу бла къуш тута айланады.
Чомартны къолу берекет.
Асхат ашлыкъ сата, юйдегиси ачдан къата.
Ата джурт – алтын бешик.
Мал ёлсе, сюек къалыр, адам ёлсе, иши къалыр.
Кюн – узун, ёмюр – къысха.
Сёз – кюмюш, джыр – алтын.
Берекет берсин деген джерде, берекет болур.
Тёзген – тёш ашар!
Айтханы чапыракъдан ётмеген.
Таула не мийик болсала да, аууш табылыр.
Кийимни бир кюнню аясанг, минг кюннге джарар.
Бозаны арты дауур болур.
Эл тойса, тоймагъан, эл къойса, къоймагъан.
«Ёгюз, джаргъа джууукъ барма, меннге джюк боллукъса», - дегенди эшек.
Этни бети бла шорпасы.
Оюмсуз атлагъан, аджалсыз ёлюр.
Эм ашхы къайын ана мамукъ бла башынгы тешер.
Тилде сюек болмаса да, сюек сындырыр.
Тамбла алтындан бюгюн багъыр ашхы.
Акъыл сабырлыкъ берир.
Ариу сёз – джаннга азыкъ, аман сёз – башха къазыкъ.
Эр абынмай, эл танымаз.
Ауурну тюбю бла, дженгилни башы бла джюрюген.
Иги адам абынса да, джангылмаз.
Къалгъан ишге къар джауар.
Къонагъы джокъну – шоху джокъ.
Хаухну атма, ёнгкючню сатма.
Кёлю джокъну – джолу джокъ.
Кюлме джашха – келир башха.
Къолу уллу – асыу, аягъы уллу – джарсыу.
Биреуню эскиси биреуге джангы болмайды.
Насыблы элин сюер, насыбсыз кесин сюер.
Ашхы – джыяр, аман – джояр.
Кимни – тили, тиши онглу, кимни – къолу, иши онглу.
Алтыннга тот къонмаз.
Ёмюрлюк шохлукъну джел элтмез.
Экиндини кеч къылсанг, чабыб джетер ашхам.
Халкъны джырын джырласанг, халкъ санга эжиу этер.

Логин:	Регистрация

Пароль:	Забыли пароль?

Запомнить меня

Аудио

Джёгетей (группа)

Скачать

Адрес