Песен: 17 Создан:
06.05.2015 Обновлен:
06.05.2015
| 4 Мая | 2024 года |
Навигация
- Гыдай эчки суугъа къараб, мюйюзле кёрмесе, джашма алкъын, дегенди.
- Хата – гитчеден.
- Сёлеш деб шай берген, тохта деб, сом берген.
- Юйлю уругъа ит чабмаз.
- Эрни эр этерик да, къара джер этерик да, тиширыуду.
- Тели турса – той бузар.
- Биреуге аманлыкъ этиб, кесинге игилик табмазса.
- Окъуусуз билим – джокъ, билимсиз кюнюнг – джокъ.
- Айырылгъанланы айю ашар, бёлюннгенлени бёрю ашар.
- Элге къуллукъ этмеген, элге ие болмаз.
- Рысхы – насыбха къор.
- Иги адам абынса да, джангылмаз.
- Ат да турмайды бир териде.
- Джаным-тиним – окъуу, билим.
- Ёгюзню мюйюзюнден тутадыла, адамны сёзюнден тутадыла.
- Къыйынлы джети элни къайгъысын этер.
- Сакъ юйюне сау барыр.
- Аз сёлешген, къайгъысыз турур.
- Татлы тилде – сёз ариу, чемер къолда – иш ариу.
- Тёрде – темир таякълы, къаяда – чыпчыкъ аякълы.
- Аманнга игилик этсенг, юйюнге сау бармазса.
- Кесинг сынамагъан затны, адамгъа буюрма.
- Тойну къарнашы – харс, джырны къарнашы – эжиу.
- Мал ёлсе, сюек къалыр, адам ёлсе, иши къалыр.
- Джарлы тюеге минсе да, ит къабар.
- Кесине гебен этелмеген, биреуге черен эте эди.
- Берекет берсин деген джерде, берекет болур.
- Билгенни къолу къарны джандырыр.
- Ауурну тюбю бла, дженгилни башы бла джюрюген.
- Аман къатын алгъан, арыр, иги къатын алгъан джарыр.
- Тойгъан джерден туугъан джер игиди.
- Иги сёз – джаннга азыкъ, аман сёз башха – къазыкъ.
- Ёлюр джаннга, ёкюл джокъ.
- Телини эшигин, махтау джабар.
- Джаханимни кёрмей, джандетге кёл салмазса.
- Aдам боллукъ, сыфатындан белгили.
- Телиге акъыл салгъандан эсе, ёлгеннге джан салырса.
- Ётюрюкден тюбю джокъ, кёлтюрюрге джиби джокъ.
- Ёзденликни джайгъан – джокълукъ.
- Чомарт джарлы болмаз.
- «Ма», - дегенни билмесенг, «бер», - дегенни билмезсе.
- Эллинг бла джау болсанг да, юйюнг бла джау болма.
- Тюзлюк шохлукъну бегитир.
- Аманны къуугъан, аманлыкъ табар.
- Чыкълы кюнде чыкъмагъан, чыкъса къуру кирмеген.
- Башы джабылгъан челекге, кир тюшмез.
- Биреуге аманлыкъны тилеме да, кесинге ашхылыкъны тиле.
- Нарт сёз къарт болмаз.
- Тойгъанлыкъ къойгъа джарашады.
- Аджаллыгъа окъсуз шкок атылыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
