Аудио :: Аудио:: ТАУЛУ (группа)

Адамны аманы адамны бети бла ойнар.
Кёпюр салгъан кеси ётер, уру къазгъан кеси кетер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аууздан келген, къолдан келсе, ким да патчах болур эди.
Келинни – келгинчи, бёркню кийгинчи кёр.
Игиге айтсанг – билир, аманнга айтсанг – кюлюр.
Окъугъан озар, окъумагъан тозар.
Ач къарынны, токъ билмез
Джаз бир кюнню джатсанг, къыш талай кюнню абынырса.
Аш иеси бла татлыды.
Чомарт бергенин айтмаз.
Тамбла алтындан бюгюн багъыр ашхы.
Ханнга да келеди хариблик.
Байдан умут эте, джарлыдан ёгюз багъасы къорады.
От кюйдюрген, сау болса да, тот кюйдюрген, сау болмаз.
Аш хазыр болса, иш харам болур.
Бал – татлы, балдан да бала – татлы.
Игилик игилик бла сингдирилиучю затды.
Урама да – ёледи, сатама да – келеди.
Минг тенг да азды, бир джау да кёбдю.
Къыз чыгъаргъан – къызыл къымжа.
Ариу сёзде ауруу джокъ.
Тюз сёз баргъан сууну тыяр.
Аджашхан тёгерек айланыр.
Ашлыкъны арба юйге келтирир, чана базаргъа элтир.
Ауурну тюбю бла, дженгилни башы бла джюрюген.
Ашхы атаны – джашы ашхы, ашхы ананы – къызы ашхы.
Эл ауузу – элия.
Бети бедерден, намыс сакълама.
Ойнай-ойнай кёз чыгъар.
Джаш болсун, къыз болсун, акъылы, саны тюз болсун.
Адам къаллай бир ишленмесе, аллай бир кесин уллу кёреди.
Джукъу тёшек сайламайды.
Хантына кёре тузу, юйюне кёре къызы.
Суу да къайтады чыкъгъан джерине.
Ёлген аслан – сау чычхан.
Джауумдан сора, кюн кюйдюрюр, ётюрюкден сора, айыб кюйдюрюр.
Мени джылытмагъан кюн, меннге тиймесин!
Аман къатын сабий табса, бий болур…
Кюн кёрмеген, кюн кёрсе, кюндюз чыракъ джандырыр.
Эртде тургъан джылкъычыны эркек аты тай табар.
Айранны сюйген, ийнек тутар.
Къонакъ аз олтурур, кёб сынар.
Ач, тоймам, дейди, тойгъан, ач болмам, дейди.
Шекер бла туз – бир болмаз, ушамагъан – юй болмаз.
Сёз садакъдан кючлюдю.
Итли къонакъ джарашмаз.
Адамны аты башхача, акъылы да башхады.
Джырчы ёлсе, джыры къалыр.
Хазыр ашха – терен къашыкъ.

Логин:	Регистрация

Пароль:	Забыли пароль?

Запомнить меня

Аудио

ТАУЛУ (группа)

Скачать

Адрес