Аудио :: Аудио:: Хатуев Халит

Кесине оноу эте билмеген, халкъына да эте билмез.
Айтхан – тынч, этген – къыйын.
Адеб базарда сатылмаз.
Аманнга да, игиге да оноусуз къатышма.
Насыблы элин сюер, насыбсыз кесин сюер.
Ач бёрюге мекям джокъ.
Урама да – ёледи, сатама да – келеди.
Келинни – келгинчи, бёркню кийгинчи кёр.
Хантына кёре тузу, юйюне кёре къызы.
Чакъырылмагъан къонакъ – орунсуз.
Ёмюрлюк шохлукъну джел элтмез.
Билеги кючлю, бирни джыгъар, билими кючлю, мингни джыгъар.
Босагъагъа джууукъ орун болса, ашыгъыб тёрге озма.
Чомартны къолу берекет.
Джаш къарыу бла кючлю, къарт акъыл бла кючлю.
Адамны сабийин сюйген джюреги, бычакъча, джитиди.
Ачыу алгъа келсе, акъыл артха къалады.
Къуру гыбыт бек дыгъырдар.
Эте билген, этген этеди, эте билмеген, юретген этеди!
Джарлыны эшигин махтагъан джабар.
Адам сёзге тынгыла, акъыл сёзню ангыла.
Бермеген къол, алмайды.
Магъанасыз сёз – тауушсуз сыбызгъы.
Рысхы – насыбха къор.
Олтуруб кёрюнмей эди да, ёрге туруб кёрюне эди.
Ишленмеген джаш – джюгенсиз ат, ишленмеген къыз – тузсуз хант.
Кёкдеги болмаса, джердегин кёрмейди.
Акъдан къара болмаз.
Джарлыны тону джаз битер.
Сибиртки да сыйлы болду, кюрек да кюнлю болду.
Мухардан ач ычхынмаз.
Кенгеш болса, уруш болмаз.
Кюлме джашха – келир башха.
Аууз сакълагъан – джан сакълар.
Къонакъны къачан кетерин сорма, къачан келлигин сор.
Джылкъыдан – ат чыгъар, тукъумдан – джаш чыгъар.
Джауумдан сора, кюн кюйдюрюр, ётюрюкден сора, айыб кюйдюрюр.
Рысхы джалгъанды: келген да этер, кетген да этер.
Хоншуну тауугъу къаз кёрюнюр, келини къыз кёрюнюр.
Мухарны эси – ашарыкъда.
Ата Джуртун танымагъан, атасын да танымаз.
Келгинчи, къонакъ уялыр, келгенден сора, къонакъбай уялыр.
Джашны джигитлиги сорулур, къызны джигерлиги сорулур.
Ичимден чыкъды хата, къайры барайым сата?
Алгъанда – джууукъ, бергенде – джау.
Уллу къашыкъ эрин джыртар.
Кесине гебен этелмеген, биреуге черен эте эди.
Ишлегенде эринме, ишде чолакъ кёрюнме.
Суу да къайтады чыкъгъан джерине.
Билими азны – ауузунда кирит.

Логин:	Регистрация

Пароль:	Забыли пароль?

Запомнить меня

Аудио

Хатуев Халит

Скачать

Скачать

Альбом “АЛЬБОМ - "МИЛЛЕТИМЕ ИННЕТИМ - ОТКРОВЕНИЯ МОЕМУ НАРОДУ"”

Скачать

Альбом “АЛЬБОМ - "С ЛЮБОВЬЮ"”

Адрес