Аудио :: Аудио:: Чомаева-Семенова Ася

Ач къалгъандан, кеч къалгъан къолай.
Адам сёзге тынгыла, акъыл сёзню ангыла.
Суугъа – таянма, джаугъа – ийнанма.
Малны кют, джерни тюрт.
Сабий кёргенин унутмаз.
Иги болса, тамадама – махтау, аман болса, меннге – айыб.
Тойну къарнашы – харс, джырны къарнашы – эжиу.
Бек ашыкъгъан меннге джетсин, дегенди аракъы.
Мухардан ач ычхынмаз.
Арбаз сайлама да, хоншу сайла.
Чёбню кёлтюрсенг, тюбюнден сёз чыгъар.
Таула не мийик болсала да, аууш табылыр.
Джаханимни кёрмей, джандетге кёл салмазса.
Къызны минг тилер, бир алыр.
Чомарт джарлы болмаз.
Тели турса – той бузар.
Рысхы джалгъанды: келген да этер, кетген да этер.
Аджалсыз ёлюм болмаз.
Джаралыны джастыгъында сау ёлюр.
Таугъа чыгъаллыкъ эсенг, тюзде къалма.
Ач бёрюге мекям джокъ.
Джюз элде джюз ёгюзюм болгъандан эсе, джюз джууугъум болсун.
Къонакъ болсанг, ийнакъ бол.
Миллетни бойну – базыкъ, аны бла кюрешген – джазыкъ.
Акъыл неден да кючлюдю.
Битмегеннге сакъал – танг.
Тешик этген тынчды, аны джамагъан къыйынды.
Берекет берсин деген джерде, берекет болур.
Сёз садакъдан кючлюдю.
Къазанда болса, чолпугъа чыгъар.
Билген билмегенни юретген адетди.
Ётюрюкден тюбю джокъ, кёлтюрюрге джиби джокъ.
Джерни букъусу кёкге къонмаз.
Билим къая тешер.
Ётюрюкню къуйругъу – бир тутум.
Насыблы элин сюер, насыбсыз кесин сюер.
Нафысынгы айтханын этме, намысынгы айтханын эт.
Аджашхан тёгерек айланыр.
Ариу сёзде ауруу джокъ.
Кюн кёрмеген, кюн кёрсе, кюндюз чыракъ джандырыр.
Хоншуну тауугъу къаз кёрюнюр, келини къыз кёрюнюр.
Азыгъы аз, алгъа къабар, аты аман, алгъа чабар.
Билмегенинги, билгеннге сор.
Тенги кёбню джау алмаз, акъылы кёбню дау алмаз.
Эки къатын алгъан – эки ташны ортасына башын салгъан.
Ана къолу ачытмаз.
Юйюнгден чыкъдынг – кюнюнгден чыкъдынг.
Келлик заман – къартлыкъ келтирир, кетген заман – джашлыкъ ёлтюрюр.
Гитче джилтин уллу элни джандырыр.
Тил – миллетни джаны.

Логин:	Регистрация

Пароль:	Забыли пароль?

Запомнить меня

Аудио

Чомаева-Семенова Ася

Скачать

Адрес