Аудио :: Аудио:: Загаштокова Фатима

Ата – билек, ана – джюрек!
Тёзгеннге, джабылгъан эшик ачылыр.
Аманнга алтын чыдамаз.
Къартны сыйын кёрмеген, къартлыгъында сыйлы болмаз.
Айраннга суу къош, телиге джол бош.
Эрине къаргъыш этген къатын, эрнин къабар.
Эшекге миннген – биринчи айыб, андан джыгъылгъан – экинчи айыб.
Экиндини кеч къылсанг, чабыб джетер ашхам.
Соргъан айыб тюлдю, билмеген айыбды.
Агъач – джерни чырайы, кийим – эрни чырайы.
Билген билмегенни юретген адетди.
Джыгъылгъанны сырты джерден тоймаз.
Тойгъанлыкъ къойгъа джарашады.
Сормай – алма, чакъырылмай – барма.
Атлыны кёрсе, джаяуну буту талыр.
Тёрдеги кюлсе, эшикдеги ышарыр.
Адамны адамлыгъы къыйынлыкъда айгъакъланады.
Ёлюр джаннга, ёкюл джокъ.
Къатын къылыкъсыз, эр тынчлыкъсыз.
Кёлю джокъну – джолу джокъ.
Ач уят къоймаз.
Уясында не кёрсе, учханында аны этер.
Билим – акъылны чырагъы.
Эллинг бла джау болсанг да, юйюнг бла джау болма.
Къолу уллу – асыу, аягъы уллу – джарсыу.
Сабийликде юретмесенг, уллу болса – тюзелмез.
Болджал ишни бёрю ашар.
Бастасын ашагъан, хантусун да ичер.
Дуния мал дунияда къалады.
Тешик этген тынчды, аны джамагъан къыйынды.
Айран тёгюлсе, джугъусу къалыр.
Суу да къайтады чыкъгъан джерине.
Кечеси – аяз, кюню – къыш, джарлы къаргъагъа бир аш тюш!
Онгсузну – джакъла, тенгликни – сакъла.
Къарт бла баш аша, джаш бла аякъ аша.
Бет бетге къараса, бет да джерге къарар.
Кёбге таш атма.
Аллахха ийнаннган кишини, Аллах онгдурур ишин.
Ауурну тюбю бла, дженгилни башы бла джюрюген.
Ёлюк кебинсиз къалмаз.
Мал ёлсе, сюек къалыр, адам ёлсе, иши къалыр.
Байлыкъ тауусулур, билим тауусулмаз.
Хантына кёре тузу, юйюне кёре къызы.
Уллу сёзде уят джокъ.
Иги – алгъыш этер, аман – къаргъыш этер.
Бал – татлы, балдан да бала – татлы.
Джолда аягъынга сакъ бол, ушакъда тилинге сакъ бол.
Мени джылытмагъан кюн, меннге тиймесин!
Джашда акъыл джокъ, къартда къарыу джокъ.
Ёлген аслан – сау чычхан.

Логин:	Регистрация

Пароль:	Забыли пароль?

Запомнить меня

Аудио

Загаштокова Фатима

Скачать

Адрес