Аудио :: Аудио:: Гаев Тахир

Экеулен сёлеше тура эселе, орталарына барыб кирме.
Тенги кёбню джау алмаз, акъылы кёбню дау алмаз.
Ашхы адам – халкъ байлыгъы, ашхы джер – джашау байлыгъы.
Тил джюрекге джол ишлейди.
Чарсда алчыны эл кёреди.
Ашда уялгъан – мухар, ишде уялгъан – хомух.
Акъыл неден да кючлюдю.
Аз сёлеш, кёб ишле.
Ауузу бла къуш тута айланады.
Юйлю уругъа ит чабмаз.
Гитче джилтин уллу элни джандырыр.
Аш кетер да бет къалыр.
Сабий кёргенин унутмаз.
Халкъны юйю – туугъан джери.
Адебни адебсизден юрен.
Эм ашхы къайын ана мамукъ бла башынгы тешер.
Дууулдаса – бал чибин, къонса – къара чибин.
Зарда марда джокъ.
Адамны бетине къарама, адетине къара.
Ким бла джюрюсенг, аны кёзю бла кёрюнюрсе.
Ишленмеклик адамлыкъды.
Эм уллу байлыкъ – джан саулукъ.
Мухардан ач ычхынмаз.
Арпа, будай – ащды, алтын, кюмюш а – ташды.
Биреу ашаб къутулур, биреу джалаб тутулур.
Айырылгъанланы айю ашар, бёлюннгенлени бёрю ашар.
Тойну къарнашы – харс, джырны къарнашы – эжиу.
Ушамагъан – джукъмаз.
Джаш болсун, къыз болсун, акъылы, саны тюз болсун.
Джахил болса анасы, не билликди баласы?
Ёгюзню мюйюзюнден тутадыла, адамны сёзюнден тутадыла.
Къуллукъчума, деб махтанма, къуллукъ – хаух джамчыды!
Эл бла кёргенинг эрелей.
Ойнай билмеген, уруб къачар.
Терек ауса, отунчу – кёб.
Булут кёкге джарашыу, уят бетге джарашыу.
Тёгюлген тюгел джыйылмайды.
Тёзгеннге, джабылгъан эшик ачылыр.
Аурууну келиую тынч, кетиую – къыйын.
Ата джурт – алтын бешик.
Къарын къуру болса, джюрек уру болур.
Иесиз малны бёрю ашар.
Кёпюр салгъан кеси ётер, уру къазгъан кеси кетер.
Аман адам элни бир-бирине джау этер.
Джаш къарыу бла кючлю, къарт акъыл бла кючлю.
Билим – акъылны чырагъы.
Эл элде бирер малынг болгъандан эсе, бирер тенгинг болсун.
Ауузу аманнга «иги», деме.
Ёлген ийнек сютлю болур.
Акъылсызны джууукъгъа алма, акъыллыны кенгнге салма.

Логин:	Регистрация

Пароль:	Забыли пароль?

Запомнить меня

Аудио

Гаев Тахир

Скачать

Адрес