Аудио :: Аудио:: Токова Альбина

Акъдан къара болмаз.
Ким бла джюрюсенг, аны кёзю бла кёрюнюрсе.
Босагъагъа джууукъ орун болса, ашыгъыб тёрге озма.
Суу да къайтады чыкъгъан джерине.
Сууда джау джокъ, кёб сёзде магъана джокъ.
Хар зат кесини орнуна иги.
Джарлы эскисин джамаса, къууаныр.
Уруну арты – къуру.
Тойгъандан сора, ашны сёкме.
Къарт болгъан джерде, берекет болур, сабий болгъан джерде, оюн болур.
Къыз тиширыу кеси юйюнде да къонакъды.
Айтхан сёзюне табылгъан.
Танг атмайма десе да, кюн къоярыкъ тюйюлдю.
Эртде тургъан джылкъычыны эркек аты тай табар.
Аллахха ийнаннган кишини, Аллах онгдурур ишин.
Юйюнгден чыкъдынг – кюнюнгден чыкъдынг.
Болджал ишни бёрю ашар.
Билим къая тешер.
Бозанг болмагъан джерге, къалагъынгы сукъма.
Ачлыкъда тары гырджын халыуадан татлы.
Ачлыкъ отха секиртир.
Джыгъылгъанны сырты джерден тоймаз.
Бичгенде ашыкъма, тикгенде ашыкъ.
Дууулдаса – бал чибин, къонса – къара чибин.
Ауузу бла къуш тута айланады.
Байлыкъ тауусулур, билим тауусулмаз.
Кютгени беш эчки, сызгъыргъаны уа, джерни джарады.
Ёлген ийнек сютлю болур.
Чакъырылгъанны аты, чакъырылмагъанны багъасы болур.
Хантына кёре тузу, юйюне кёре къызы.
Джети тилни билген джети кишиди.
Ач къарынны, токъ билмез
Окъуу – билимни ачхычы, окъуу – дунияны бачхычы.
Къайгъы тюбю – тенгиз.
Ашыкъгъан cуу, тенгизге джетмез.
Керти сёзге тёре джокъ.
Босагъа таш юйге кирмей эди, тыбыр таш эшикге чыкъмай эди.
Ёлген эшек бёрюден къоркъмайды.
Къарнынг къанлынга кийирир.
Тилчиден кери бол.
Керилген да, ургъан кибикди.
Къоркъакъны кёзю экили кёрюр.
Ёлген аслан – сау чычхан.
Юйюнг бла джау болгъандан эсе, элинг бла джау бол.
Адам туугъан джеринде, ит тойгъан джеринде.
Адамны аты башхача, акъылы да башхады.
Чакъырылмагъан къонакъ тёрге атламаз.
Бозаны арты дауур болур.
Аман адамны тепсинге олтуртсанг, къызынгы тилер.
Рысхы – насыбха къор.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес