Песен: 7 Создан:
06.05.2015 Обновлен:
06.05.2015
| 3 Мая | 2024 года |
Навигация
- Къазанчы аман болса, къазаны къайнамаз.
- Игиге айтсанг – билир, аманнга айтсанг – кюлюр.
- Эли джокъну – кёлю джокъ.
- Кийиминг бла танылма, адамлыкъ бла таныл.
- Ашыкъгъан cуу, тенгизге джетмез.
- Аманны эки битли тону болур, бирин сеннге кийдирир, бирин кеси киер.
- Къарт болгъан джерде, берекет болур, сабий болгъан джерде, оюн болур.
- Акъыл аздырмаз, билим тоздурмаз.
- Джарлы тюеге минсе да, ит къабар.
- Тили узунну, намысы – къысха.
- Кирсизни – саны таза, халалны – къаны таза.
- Ата – баланы уясы.
- Къуру гыбыт бек дыгъырдар.
- Къыйынлы джети элни къайгъысын этер.
- Эм ашхы къайын ана мамукъ бла башынгы тешер.
- Къарнынг тойгъунчу аша да, белинг талгъынчы ишле.
- Бюгюн дуния кибик, тамбла ахыратды.
- Кесинг сынамагъан затны, адамгъа буюрма.
- Окъдан джара эртде-кеч болса да бителир, сёз джара, ёмюрге къалыр.
- Эки элинги тыйсанг, джети элде махталырса.
- Айтхан – тынч, этген – къыйын.
- Эки къатын алгъан – эки ташны ортасына башын салгъан.
- Чакъырылмагъан джерге барма, чакъырылгъан джерден къалма.
- Аууз сакълагъан – джан сакълар.
- Тёзген – тёш ашар!
- Ётюрюкчюню шагъаты – къатында.
- Эринчекни эр алмаз, эр алса да, кёл салмаз, кёл салса да, кёб бармаз!
- Атлыны ашхысы, ат тизгининден билинир
- Тойгъандан сора, ашны сёкме.
- Сёз – кюмюш, джыр – алтын.
- Ёксюзню къалачы уллу кёрюнюр.
- Къонакъны къачан кетерин сорма, къачан келлигин сор.
- Накъырданы арты керти болур.
- Къартны сыйын кёрмеген, къартлыгъында сыйлы болмаз.
- Ашхы атаны – джашы ашхы, ашхы ананы – къызы ашхы.
- Бастасын ашагъан, хантусун да ичер.
- Къазанны башы ачыкъ болса, итге уят керекди.
- Халкъны джырын джырласанг, халкъ санга эжиу этер.
- Этни бети бла шорпасы.
- Джумушакъ терекни къурт ашар.
- Бойнуму джети джерден кессенг да, мен ол ишни этеллик тюлме.
- Кесине оноу эте билмеген, халкъына да эте билмез.
- Къатын къылыкъсыз, эр тынчлыкъсыз.
- Джырчы ёлсе, джыры къалыр.
- Хантына кёре тузу, юйюне кёре къызы.
- Хазыр ашха – терен къашыкъ.
- Джашынгы кесинг юретмесенг, джашау юретир.
- Эр сокъур болсун, къатын тилсиз болсун.
- Бир абыннган – минг сюрюнюр.
- Эр абынмай, эл танымаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
