Аудио :: Аудио:: Гузиева Дженнет

Джарлыны эшигин махтагъан джабар.
Азыкълы ат арымаз, къатыны аман джарымаз.
Асхат ашлыкъ сата, юйдегиси ачдан къата.
Акъыл къартда, джашда тюйюлдю – башдады.
Хоншуну тауугъу къаз кёрюнюр, келини къыз кёрюнюр.
Зар адамны насыбы болмаз.
Кийимни бир кюнню аясанг, минг кюннге джарар.
Халкъны юйю – туугъан джери.
Къатын къылыкъсыз, эр тынчлыкъсыз.
Къыз чыгъаргъан – къызыл къымжа.
Ата – билек, ана – джюрек!
Минг тенг да азды, бир джау да кёбдю.
Билим ат болуб да чабар, къуш болуб да учар.
Бозаны арты дауур болур.
Малны кют, джерни тюрт.
Къартны бурнун сюрт да, оноугъа тут.
Аз сёлеш, кёб ишле.
Байлыкъ тауусулур, билим тауусулмаз.
Джахил болса анасы, не билликди баласы?
Бал – татлы, балдан да бала – татлы.
Бал чибинни ургъаны – ачы, балы – татлы.
Сакъламагъан затынга джолукъсанг, не бек къууанаса, не бек ачыйса.
Джангыз терек къынгыр ёсер.
Чабакъсыз кёлге къармакъ салгъанлыкъгъа, чабакъ тутмазса.
Къоркъакъны кёзю экили кёрюр.
Ойнай билмеген, уруб къачар.
Аманнга алтын чыдамаз.
Уллу айтханны этмеген – уллаймаз.
Ариу сёз джыланны орнундан чыгъарыр.
Уясында не кёрсе, учханында аны этер.
Бек ашыкъгъан меннге джетсин, дегенди аракъы.
Азыкъ аз болса, эртде орун сал.
Тешик этген тынчды, аны джамагъан къыйынды.
Тойгъандан сора, ашны сёкме.
Таш ата билмеген, башына урур.
Эрине къаргъыш этген къатын, эрнин къабар.
Айтылгъан буйрукъ, сёгюлмез
Аурууну келиую тынч, кетиую – къыйын.
Къазанны башы ачыкъ болса, итге уят керекди.
Окъуусуз билим – джокъ, билимсиз кюнюнг – джокъ.
Хар сёзню орну барды.
Къарт айтханны этмеген, къартаймаз.
Чомарт джарлы болмаз.
Джолунга кёре – джюрюшюнг, джагъанга кёре – юлюшюнг.
Къарыусузгъа кюлме, онгсузгъа тийме.
Ишлегенден, къарагъан уста.
Къонакъ аман болса, къонакъбай джунчур
Билгенни къолу къарны джандырыр.
Керти сёзге тёре джокъ.
Биреу ашаб къутулур, биреу джалаб тутулур.

Логин:	Регистрация

Пароль:	Забыли пароль?

Запомнить меня

Аудио

Гузиева Дженнет

Скачать

Адрес