Песен: 9 Создан:
06.05.2015 Обновлен:
06.05.2015
| 3 Мая | 2024 года |
Навигация
- Ач къарынны, токъ билмез
- Къан бла кирген, джан бла чыгъар.
- Гугук кесини атын айтыб къычыргъанча, мен, мен деб нек тураса?
- Биреуге аманлыкъ этиб, кесинге игилик табмазса.
- Алгъанда – джууукъ, бергенде – джау.
- Кёб джат да, бек чаб.
- Ёгюзню мюйюзюнден тутадыла, адамны сёзюнден тутадыла.
- Адамны сабийин сюйген джюреги, бычакъча, джитиди.
- Джюрекден джюрекге джол барды.
- Юйлю уругъа ит чабмаз.
- Сабыр джетер муратха, сабырсыз къалыр уятха.
- Джеринден айырылгъан – джети джылар, джуртундан айырылгъан – ёлгюнчю джылар.
- Алим болгъандан эсе, адам болгъан къыйынды.
- Къызны минг тилер, бир алыр.
- Кийиминг бла танылма, адамлыкъ бла таныл.
- Экеулен сёлеше тура эселе, орталарына барыб кирме.
- Мураты болгъанны джюрек тебюую башхады.
- Уллу суу бла уллу ауруудан башынгы сакъла.
- Хата – гитчеден.
- Чабакъ башындан чирийди.
- Тенгинг джокъ эсе – изле, бар эсе – сакъла!
- Адеб джокъда, намыс джокъ.
- Кийимни бичсенг, кенг бич, тар этген къыйын тюлдю.
- Адамны аты башхача, акъылы да башхады.
- Джан саулукъ бермей, сан саулукъ бермезсе.
- Сёз – кюмюш, джыр – алтын.
- Къартны бурнун сюрт да, оноугъа тут.
- Джаш къарыу бла кючлю, къарт акъыл бла кючлю.
- Джол бла сёзню къыйыры джокъ.
- Джырчы джырчыгъа – къарнаш.
- Иги бла джюрюсенг, джетерсе муратынга, аман бла джюрюсенг, къалырса уятха.
- Байлыкъ тауусулур, билим тауусулмаз.
- Тынгылагъан тынгы бузар.
- Окъумагъан сокъурду, сокъур ташха абыныр!
- Ашхы тенг джолгъа салыр, аман тенг джолдан тайдырыр.
- Ариуну – ауруу кёб.
- Ауругъанны сау билмез, ач къарынны токъ билмез.
- Кёлсюзден сёзсюз тууар.
- Ауругъаннга – кийик саулукъ, джетген къызгъа – чилле джаулукъ.
- Ач да бол, токъ да бол – намысынга бек бол.
- Илму – джашауну джолу.
- Ышармагъан – кюлмез, кюлмеген – къууанчны билмез.
- Аз сёлеш, кёб ишле.
- Кёб джашагъан – кёб билир.
- Кюлме джашха – келир башха.
- Аллахха ийнаннган кишини, Аллах онгдурур ишин.
- Бир онгсуз адам адет чыгъарды, деб эштирик тюлсе.
- Джумушакъ терекни къурт ашар.
- Ашда – бёрю, ишде – ёлю.
- Къарнынг тойгъунчу аша да, белинг талгъынчы ишле.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
