Аудио :: Аудио:: Жанатаев Исмаил

Азыкъ аз болса, эртде орун сал.
Къуру гыбыт бек дыгъырдар.
Къошда джокъгъа – юлюш джокъ.
Къолунгдан къуймакъ ашатсанг да, атаны борчундан къутулмазса.
Босагъа таш юйге кирмей эди, тыбыр таш эшикге чыкъмай эди.
Джюрекден джюрекге джол барды.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Окъуу – билимни ачхычы, окъуу – дунияны бачхычы.
Тойну къарнашы – харс, джырны къарнашы – эжиу.
Миллетни бойну – базыкъ, аны бла кюрешген – джазыкъ.
Аманнга да, игиге да оноусуз къатышма.
Уруну арты – къуру.
Босагъагъа джууукъ орун болса, ашыгъыб тёрге озма.
От кюйдюрген, сау болса да, тот кюйдюрген, сау болмаз.
Ётюрюкчюню шагъаты – къатында.
Сууда джау джокъ, кёб сёзде магъана джокъ.
Чёбню кёлтюрсенг, тюбюнден сёз чыгъар.
Эли джокъну – кёлю джокъ.
Къонакъ кёб келюучю юйню, къазаны отдан тюшмез.
Джыланны къуйругъундан басарынг келсе, аны башы болгъанын унутма.
Сютден ауузу кюйген, суугъа юфгюре эди.
Рысхысына кёре, джаш ёсер, къышлыгъына кёре, мал ёсер.
Чыкълы кюнде чыкъмагъан, чыкъса къуру кирмеген.
Тойгъа барсанг, тоюб бар, эски тонунгу къоюб бар.
Телини эшигин, махтау джабар.
Таукел къуру къалмаз.
Ашхылыкъ джерде джатмайды, аманлыкъ суугъа батмайды.
Душманны тышы – акъ, ичи – къара.
Къатын байлыкъны сюер, эр саулукъну сюер.
Тойгъан антын унутур.
Тили узунну, намысы – къысха.
Кийим тукъум сордурур.
Акъыл аздырмаз, билим тоздурмаз.
Чабакъгъа акъыл, табагъа тюшсе келеди.
Эр абынмай, эл танымаз.
Ёлген ийнек сютлю болур.
Адам сёзюнден белгили.
Къартха ушагъан джаш – акъыллы, джашха ушагъан къарт – тели.
Эркишини аманы тиширыуну джылатыр.
Ойнаб айтсанг да, эслеб айт.
Акъыл сабырлыкъ берир.
Джырчы ёлсе, джыры къалыр.
Эски джаугъа ышанма.
Ана къойну – балагъа джандет.
Ишленмеклик адамлыкъды.
Булут кёкге джарашыу, уят бетге джарашыу.
Татлы сёз – балдан татлы.
Сабийликде юретмесенг, уллу болса – тюзелмез.
Олтуруб кёрюнмей эди да, ёрге туруб кёрюне эди.
Кюн кёрмеген, кюн кёрсе, кюндюз чыракъ джандырыр.

Логин:	Регистрация

Пароль:	Забыли пароль?

Запомнить меня

Аудио

Жанатаев Исмаил

Скачать

Адрес