Аудио :: Аудио:: Мусукаев Руслан

Сескекли кесин билдирир.
Ётюрюк хапар аякъ тюбю бла джюрюйдю.
Джыланны къуйругъундан басарынг келсе, аны башы болгъанын унутма.
Эли джокъну – кёлю джокъ.
Къулакъдан эсе, кёзге ышан.
Къарт болгъан джерде, берекет болур, сабий болгъан джерде, оюн болур.
Чакъырылмагъан къонакъ – орунсуз.
Къызбайны юйюне дери сюрсенг, батыр болур.
Акъыл аздырмаз, билим тоздурмаз.
Ёгюзню мюйюзюнден тутадыла, адамны сёзюнден тутадыла.
Джырына кёре эжиую.
Адеби болмагъан къыз – тузсуз хант.
Иги джашны ышаны – аз сёлешиб, кёб тынгылар.
Кёб джашагъан – кёб билир.
Къарнынг къанлынга кийирир.
Айран тёгюлсе, джугъусу къалыр.
Тик ёргени, тик энгишгеси да болады.
Бастасын ашагъан, хантусун да ичер.
Ашына кёре табагъы, балына кёре къалагъы.
Aдам боллукъ, сыфатындан белгили.
Халкъгъа джарагъан, джарлы къалмаз.
Ариу сёз джыланны орнундан чыгъарыр.
Ашхы болсанг, атынг чыгъар, аман болсанг, джанынг чыгъар.
Ариу – кёзге, акъыл – джюрекге.
От кюйдюрген, сау болса да, тот кюйдюрген, сау болмаз.
Ариуну – ауруу кёб.
Сютден ауузу кюйген, суугъа юфгюре эди.
Ана къолу ачытмаз.
Элде адам къалмаса, ит тахтагъа минер.
Адамны аты башхача, акъылы да башхады.
Тойгъан джерден туугъан джер игиди.
Игини сыйлагъан адетди.
Ана – юйню кюн джарыгъы.
Алтыннга тот къонмаз.
Джашны джигитлиги сорулур, къызны джигерлиги сорулур.
Экиндини кеч къылсанг, чабыб джетер ашхам.
Баш – акъыл ючюн, акъылман – халкъ ючюн.
Къонагъынгы артмагъын алма да, алгъышын ал.
Малны кют, джерни тюрт.
Аш иеси бла татлыды.
Аманны къуугъан, аманлыкъ табар.
Эски джаугъа ышанма.
Билмейме деген – бир сёз
Чомарт бергенин айтмаз.
Джарлы тюеге минсе да, ит къабар.
Кирсизни – саны таза, халалны – къаны таза.
Чёбню кёлтюрсенг, тюбюнден сёз чыгъар.
Къаллай салам берсенг, аллай джууаб алырса.
Тау башында, тау болмаз, джангыз терек, бау болмаз.
Окъуу – билимни ачхычы, окъуу – дунияны бачхычы.

Логин:	Регистрация

Пароль:	Забыли пароль?

Запомнить меня

Аудио

Мусукаев Руслан

Скачать

Адрес