Аудио :: Аудио:: Жаникаев Эльдар

Эте билген, этген этеди, эте билмеген, юретген этеди!
Аш кетер да бет къалыр.
Ачны эсинде – аш.
Къозулугъунда тоймагъан, къойлугъунда тоймаз.
Душманны тышы – акъ, ичи – къара.
Ач къарынны, токъ билмез
Элиб деген, элге болушур.
Аманнга игилик этсенг, юйюнге сау бармазса.
Джол бла сёзню къыйыры джокъ.
Къан бла кирген, джан бла чыгъар.
Кёбден умут этиб, аздан къуру къалма.
Ашхы болсанг, атынг чыгъар, аман болсанг, джанынг чыгъар.
Тил бла келеди джыр да.
Тёзген – тёш ашар!
Аякъларынгы джууургъанынга кёре узат.
Чомартха хар кюн да байрамды.
Биреуню эскиси биреуге джангы болмайды.
Кеси юйюмде мен да ханма.
Ана – юйню кюн джарыгъы.
Тенги кёбню джау алмаз, акъылы кёбню дау алмаз.
Уллу сёзде уят джокъ.
Намысы болмагъанны, сыйы болмаз.
Тойгъанлыкъ къойгъа джарашады.
Кёбге таш атма.
Ким бла джюрюсенг, аны кёзю бла кёрюнюрсе.
Хар сёзню орну барды.
Кёзю сокъурдан – къоркъма, кёлю сокъурдан – къоркъ.
Адамны джюреги нени кёрюрге сюйсе, кёзю да аны кёрюрге ёч болады.
Кюн кёрмеген, кюн кёрсе, кюндюз чыракъ джандырыр.
Гырджын – тепсини тамадасы.
Арбаз къынгырды да, ийнек сауалмайма.
Хоншуну тауугъу къаз кёрюнюр, келини къыз кёрюнюр.
Уллу къазанда бишген эт, чий къалмаз.
Хансыз джомакъ болмаз.
Хаухну атма, ёнгкючню сатма.
Гитче джилтин уллу элни джандырыр.
Биреуге кёлтюрген таягъынг, кесинги башынга урур.
Огъурлуну сёзю – суу, огъурсузну сёзю – уу.
Чомартха Тейри да борчлуду.
Миллетни бойну – базыкъ, аны бла кюрешген – джазыкъ.
Шапа кёб болса, аш татымсыз болур.
Ёгюзню мюйюзюнден тутадыла, адамны сёзюнден тутадыла.
Айран тёгюлсе, джугъусу къалыр.
Хунаны тюбюн къазсанг, юсюнге ауар.
Телиге от эт десенг, юйюнге от салыр.
Джашда акъыл джокъ, къартда къарыу джокъ.
Бозаны арты дауур болур.
Хатерли къул болур.
Сёз сёзню айтдырыр.
Аман адам этегингден тутса, кес да къач.

Логин:	Регистрация

Пароль:	Забыли пароль?

Запомнить меня

Аудио

Жаникаев Эльдар

Скачать

Адрес