Аудио :: Аудио:: Аппаев Алим

Суу да къайтады чыкъгъан джерине.
Эшекни не къадар тюйсенг да, ат болмаз.
Джумушакъ терекни къурт ашар.
Керек ташны ауурлугъу джокъ.
Зар адам ашынгы ашар, кесинги сатар.
Къарны аманнга къазан такъдырма, къолу аманнга от джакъдырма.
Къартны сыйын кёрмеген, къартлыгъында сыйлы болмаз.
Босагъагъа джууукъ орун болса, ашыгъыб тёрге озма.
Чомарт джарлы болмаз.
Ашлыкъны арба юйге келтирир, чана базаргъа элтир.
Баш болса, бёрк табылыр.
Киштикге къанат битсе, чыпчыкъ къалмаз эди.
Эки итни арасына сюек атма, эки адамны арасында сёз чыгъарма.
Айныгъанлы алты кюн, тогъайгъанлы тогъуз кюн.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Дуния малгъа сатылма, кесингден телиге къатылма.
Кесинг сынамагъан затны, адамгъа буюрма.
Дууулдаса – бал чибин, къонса – къара чибин.
Дуния мал дунияда къалады.
Тенгни тенглиги джашай барсанг билинир.
Адеб этмеген, адеб кёрмез.
Хата – гитчеден.
Тилчи бир сагъатха айлыкъ хата этер.
Иесиз малны бёрю ашар.
Сангырау къулакъ эл бузар.
Ачны эсинде – аш.
Къызын тута билмеген, тул этер, джашын тута билмеген, къул этер.
Дуния аламаты сен эсенг да, игиме деб айтма.
Джерни букъусу кёкге къонмаз.
Билмейме деген – бир сёз
Магъанасыз сёз – тауушсуз сыбызгъы.
Ханы къызы буюгъа-буюгъа киштик болду.
Тойгъанлыкъ къойгъа джарашады.
Джюрек кёзден алгъа кёрюр.
Джумушакъ сёз къаты таякъны сындырыр.
Душманны тышы – акъ, ичи – къара.
Сескекли кесин билдирир.
Тенги кёбню джау алмаз, акъылы кёбню дау алмаз.
Кесинге джетмегенни, кёб сёлешме.
Тёзген – тёш ашар!
Ауурну тюбю бла, дженгилни башы бла джюрюген.
Аякъларынгы джууургъанынга кёре узат.
Намысы джокъну – дуниясы джокъ.
Итли къонакъ джарашмаз.
Ёлмесенг да, къарт дамы болмазса?
Чакъырылмагъан джерге барма, чакъырылгъан джерден къалма.
Байлыкъ тауусулур, билим тауусулмаз.
Акъдан къара болмаз.
Сабийни джумушха джибер да, ызындан бар.
Джан саулукъ бермей, сан саулукъ бермезсе.

Логин:	Регистрация

Пароль:	Забыли пароль?

Запомнить меня

Аудио

Аппаев Алим

Скачать

Адрес