Аудио :: Аудио:: Кабардокова Зухра

Джарашыу сюйген – джалынчакъ.
Бетинги сатма, малынгы сат.
Ишлемеген – тишлемез.
Сыфатында болмагъаны, суратында болмаз.
Ишлегенде эринме, ишде чолакъ кёрюнме.
Аман адам этегингден тутса, кес да къач.
Ауругъанны сау билмез, ач къарынны токъ билмез.
Тамырсыз терекге таянма – джыгъылырса.
Иги адамны бир сёзю эки болмаз.
Чомартха Тейри да борчлуду.
Юре билмеген ит, къонакъ келтирир.
Арпа, будай – ащды, алтын, кюмюш а – ташды.
Къошда джокъгъа – юлюш джокъ.
Иги сеники эсе да, сюйген кесимикин этеме.
Насыблы элин сюер, насыбсыз кесин сюер.
Нёгерсизни джолу узун.
Мал тутхан – май джалар.
Къарт болгъан джерде, берекет болур, сабий болгъан джерде, оюн болур.
Кёбден умут этиб, аздан къуру къалма.
Джиби бир къат джетмей эди да, эки къат тарта эди.
Сёз сёзню айтдырыр.
Ашда уялгъан – мухар, ишде уялгъан – хомух.
Кюн – узун, ёмюр – къысха.
Джангыз торгъай джырламаз.
Чарсда алчыны эл кёреди.
Кёл ашады да, кеси ашады.
Эки къатын алгъан – эки ташны ортасына башын салгъан.
Эрине къаргъыш этген къатын, эрнин къабар.
Тилде сюек болмаса да, сюек сындырыр.
Бети къызарыучу адамны, джюреги харам болмаз.
Эркишиге тары кебек танг кёрюнюр.
Арыгъан къош чамчы болур.
Адеб этмеген, адеб кёрмез.
Ишленмеклик адамлыкъды.
Телиге от эт десенг, юйюнге от салыр.
Мадар болса, къадар болур.
Атадан ёксюз – бир ёксюз, анадан ёксюз – эки ёксюз.
Накъырда – кертини келечиси.
Иги бла джюрюсенг, джетерсе муратынга, аман бла джюрюсенг, къалырса уятха.
Тамчы таш тешер.
Сёлеш деб шай берген, тохта деб, сом берген.
Джюрек кёзден алгъа кёрюр.
Азыкълы ат арымаз, къатыны аман джарымаз.
Ариу сёз джыланны орнундан чыгъарыр.
Байдан умут эте, джарлыдан ёгюз багъасы къорады.
Ачылгъан эт джабылыр, кёрген кёз унутмаз.
Бек ашыкъгъан меннге джетсин, дегенди аракъы.
Сабий кёргенин унутмаз.
Тенгинг джокъ эсе – изле, бар эсе – сакъла!
Айтхан – тынч, этген – къыйын.

Логин:	Регистрация

Пароль:	Забыли пароль?

Запомнить меня

Аудио

Кабардокова Зухра

Скачать

Адрес