Аудио :: Аудио:: Катчиев Руслан

Къарт болгъан джерде, берекет болур, сабий болгъан джерде, оюн болур.
Мал кёб болса, джууукъ кёб болур.
Алгъанда – джууукъ, бергенде – джау.
Кесинге джетмегенни, кёб сёлешме.
Эр абынмай, эл танымаз.
Бир онгсуз адам адет чыгъарды, деб эштирик тюлсе.
Хата – гитчеден.
Миллетни бойну – базыкъ, аны бла кюрешген – джазыкъ.
Кёзю сокъурдан – къоркъма, кёлю сокъурдан – къоркъ.
Ана кёлю – балада, бала кёлю – талада.
Алма терегинден кери кетмез.
Босагъагъа джууукъ орун болса, ашыгъыб тёрге озма.
Ашха уста, юйюнде болсун
Джарашыу сюйген – джалынчакъ.
Айныгъанлы алты кюн, тогъайгъанлы тогъуз кюн.
Тойгъа барсанг, тоюб бар, эски тонунгу къоюб бар.
Сагъышы джокъ – джукъучу, акъылы джокъ – къаугъачы.
Окъуу – билимни ачхычы, окъуу – дунияны бачхычы.
Къарнынг къанлынга кийирир.
Кийим тукъум сордурур.
Аманны эки битли тону болур, бирин сеннге кийдирир, бирин кеси киер.
Игилик игилик бла сингдирилиучю затды.
Чомартха хар кюн да байрамды.
Къыз тиширыу кеси юйюнде да къонакъды.
Аз сёлешген, къайгъысыз турур.
Сабий болмагъан джерде, мёлек болмаз.
Ашыкъгъан cуу, тенгизге джетмез.
Къайгъы тюбю – тенгиз.
Эрине къаргъыш этген къатын, эрнин къабар.
Къонагъынгы артмагъын алма да, алгъышын ал.
Сютню башын джалагъан къутулур, тюбюн ичген тутулур.
Ауурну тюбю бла, дженгилни башы бла джюрюген.
Окъугъанны бети джарыкъ.
Тенгинг джокъ эсе – изле, бар эсе – сакъла!
Ач уят къоймаз.
Билим насыб берир, билим джолну керир.
Башы ишлегенни, ауузу да ишлер.
Тил – кесген бычакъ, сёз – атылгъан окъ.
Къалгъан ишге къар джауар.
Бет бетге къараса, бет да джерге къарар.
Битмегеннге сакъал – танг.
Чакъырылмагъан къонакъ тёрге атламаз.
Бал ашаргъа сюе эсенг, чибин ургъаннга тёз.
Джылар джаш, атасыны сакъалы бла ойнар.
Биреуню къыйынлыгъы бла кесинге джол ишлеме.
Джашынгы кесинг юретмесенг, джашау юретир.
Ата – билек, ана – джюрек!
Кёзню ачылгъаны – иги, ауузну джабылгъаны – иги.
Аманны къуугъан, аманлыкъ табар.
Ойнай билмеген, оюн бузар.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес