Аудио :: Аудио:: Бадахова Фазиля

Къан бла кирген, джан бла чыгъар.
Таукелге нюр джауар.
Сагъыш – къартлыкъгъа сюйюмчю.
Кёзню ачылгъаны – иги, ауузну джабылгъаны – иги.
Айран ичген – къутулду, джугъусун джалагъан – тутулду.
Ётюрюкчюню шагъаты – къатында.
Мухар, кеси тойса да, кёзю тоймаз.
Джаралыны джастыгъында сау ёлюр.
Керилген да, ургъан кибикди.
Бастасын ашагъан, хантусун да ичер.
Аллахдан тилесенг, кёб тиле.
Таякъ этден ётер, тил сюекден ётер.
Аманнга да, игиге да оноусуз къатышма.
Аман адам элни бир-бирине джау этер.
Дуния малгъа сатылма, кесингден телиге къатылма.
Тойну къарнашы – харс, джырны къарнашы – эжиу.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кёз – сюйген джерде, къол – ауругъан джерде.
Тилсиз миллет джокъ болур.
Мал кёб болса, джууукъ кёб болур.
Эки итни арасына сюек атма, эки адамны арасында сёз чыгъарма.
Хар зат кесини орнуна иги.
Таукел адам тау тешер.
Ариу сёз – къылычдан джити.
Ариу сёзде ауруу джокъ.
Эртде тургъан джылкъычыны эркек аты тай табар.
Билеги кючлю, бирни джыгъар, билими кючлю, мингни джыгъар.
Ашлыкъ – бюртюкден, джюн – тюкден.
Алим болгъандан эсе, адам болгъан къыйынды.
Ашхы тенг джолгъа салыр, аман тенг джолдан тайдырыр.
Билим ат болуб да чабар, къуш болуб да учар.
Башы джабылгъан челекге, кир тюшмез.
Магъанасыз сёз – тауушсуз сыбызгъы.
Тулпарлыкъ, билекден тюл – джюрекден.
Тили узунну, намысы – къысха.
Намыс сатылыб алынмайды.
Къарт айтханны этмеген, къартаймаз.
Зар адамны насыбы болмаз.
Таукел тауну аудурур.
Къарнынг тойгъунчу аша да, белинг талгъынчы ишле.
Ач къарынны, токъ билмез
Таш бла ургъанны, аш бла ур.
Азыкъ аз болса, эртде орун сал.
Адам боллукъ, атламындан белгили болур.
Иги – алгъыш этер, аман – къаргъыш этер.
Ауузу аманнга «иги», деме.
Кёб къычыргъандан – къоркъма, тынч олтургъандан – къоркъ.
Кенгеш болса, уруш болмаз.
Биреуге кёлтюрген таягъынг, кесинги башынга урур.
Джангыз терек къынгыр ёсер.

Логин:	Регистрация

Пароль:	Забыли пароль?

Запомнить меня

Аудио

Бадахова Фазиля

Скачать

Адрес