Аудио :: Аудио:: Хубиев Хасан

Дуния аламаты сен эсенг да, игиме деб айтма.
Джаным-тиним – окъуу, билим.
Аурууну келиую тынч, кетиую – къыйын.
Эки ойлашыб, бир сёлешген.
Окъумагъан сокъурду, сокъур ташха абыныр!
Уясында не кёрсе, учханында аны этер.
Бир онгсуз адам адет чыгъарды, деб эштирик тюлсе.
Бермеген къол, алмайды.
Тик ёргени, тик энгишгеси да болады.
Дженгил джетерикме деб, узун джолну къоюб, къысхасын барма.
Таш бла ургъанны, аш бла ур.
Аджашхан тёгерек айланыр.
Джаханимни кёрмей, джандетге кёл салмазса.
Джюрек кёзден алгъа кёрюр.
Мураты болгъанны джюрек тебюую башхады.
Тамбла алтындан бюгюн багъыр ашхы.
Къуллукъчума, деб махтанма, къуллукъ – хаух джамчыды!
Тынгылагъан тынгы бузар.
Ёлген эшек бёрюден къоркъмайды.
Юре билмеген ит, къонакъ келтирир.
Рысхысына кёре, джаш ёсер, къышлыгъына кёре, мал ёсер.
Эл тойса, тоймагъан, эл къойса, къоймагъан.
Къартны бурнун сюрт да, оноугъа тут.
Аманны тукъумуна къарама, игини тукъумун сорма.
Керек ташны ауурлугъу джокъ.
Тил бла келеди джыр да.
Насыблы элин сюер, насыбсыз кесин сюер.
Адеб базарда сатылмаз.
Кютгени беш эчки, сызгъыргъаны уа, джерни джарады.
Бети къызарыучу адамны, джюреги харам болмаз.
Кёбден умут этиб, аздан къуру къалма.
Эски джаугъа ышанма.
Къалгъан ишге къар джауар.
Къайтырыкъ эшигинги, къаты уруб чыкъма.
Билим – акъылны чырагъы.
Рысхы – сют юсюнде кёмюк кибикди.
Къызбайны юйюне дери сюрсенг, батыр болур.
Кёзню ачылгъаны – иги, ауузну джабылгъаны – иги.
Кеси юйюмде мен да ханма.
Огъурлуну сёзю – суу, огъурсузну сёзю – уу.
Эки итни арасына сюек атма, эки адамны арасында сёз чыгъарма.
Илму – джашауну джолу.
Ашда – бёрю, ишде – ёлю.
От кюйдюрген, сау болса да, тот кюйдюрген, сау болмаз.
Намыс сатылыб алынмайды.
Аман киши кеси юйюнде – къонакъ.
Телиге акъыл салгъандан эсе, ёлгеннге джан салырса.
Иши джокъну, сыйы джокъ.
Эки къатын алгъанны къулагъы тынгнгаймаз.
Ёксюзню къалачы уллу кёрюнюр.

Логин:	Регистрация

Пароль:	Забыли пароль?

Запомнить меня

Аудио

Хубиев Хасан

Скачать

Адрес