Аудио :: Аудио:: Джаммаев Борис

Къарнынг ауруса, ауузунгу тый
Ётюрюк хапар аякъ тюбю бла джюрюйдю.
Алим болгъандан эсе, адам болгъан къыйынды.
Баш болса, бёрк табылыр.
Мени джылытмагъан кюн, меннге тиймесин!
Джарлыны тону джаз битер.
Ашхы болсанг, атынг чыгъар, аман болсанг, джанынг чыгъар.
Таукел тауну аудурур.
Сибиртки да сыйлы болду, кюрек да кюнлю болду.
Уруну арты – къуру.
Келлик заман – къартлыкъ келтирир, кетген заман – джашлыкъ ёлтюрюр.
Аш иеси бла татлыды.
Арбаз къынгырды да, ийнек сауалмайма.
Джарлы джети элни сёзюн этер.
Ишленмеклик адамлыкъды.
Джети тилни билген джети кишиди.
Билмейме деген – бир сёз
Тёзген – тёш ашар!
Ишни аллы бла къууанма да, арты бла къууан.
Ёлген ийнек сютлю болур.
Чакъырылмагъан джерге барма, чакъырылгъан джерден къалма.
Къанны къан бла джуума, аманны аман бла къуума.
Уллу къазанда бишген эт, чий къалмаз.
Аз сёлешген, къайгъысыз турур.
Тилчи бир сагъатха айлыкъ хата этер.
Бозанг болмагъан джерге, къалагъынгы сукъма.
Джюрекге ариу – кёзге да ариу.
Джашда акъыл джокъ, къартда къарыу джокъ.
Бети – къучакълар, джюреги – бычакълар.
Тилде сюек болмаса да, сюек сындырыр.
Кийимни бир кюнню аясанг, минг кюннге джарар.
Адамны артындан къара сабан сюрме.
Ётген ёмюр – акъгъан суу.
Аман къатын сабий табса, бий болур…
Узун джолну барсанг, бюгюн келирсе, къысха джолну барсанг, тамбла келирсе.
Алма терегинден кери кетмез.
Кесинге джетмегенни, кёб сёлешме.
Эл тойса, тоймагъан, эл къойса, къоймагъан.
Аякъларынгы джууургъанынга кёре узат.
Айранын берсенг, челегин да къызгъанма.
Къатын байлыкъны сюер, эр саулукъну сюер.
Юре билмеген ит, къонакъ келтирир.
Биреу къой излей, биреу той излей.
Чабакъсыз кёлге къармакъ салгъанлыкъгъа, чабакъ тутмазса.
Керилген да, ургъан кибикди.
Берекет берсин деген джерде, берекет болур.
Эрни эр этерик да, къара джер этерик да, тиширыуду.
Эте билген, этген этеди, эте билмеген, юретген этеди!
Арпа, будай – ащды, алтын, кюмюш а – ташды.
Хатерли къул болур.

Логин:	Регистрация

Пароль:	Забыли пароль?

Запомнить меня

Аудио

Джаммаев Борис

Скачать

Адрес