Песен: 5 Создан:
06.05.2015 Обновлен:
06.05.2015
| 3 Мая | 2024 года |
Навигация
- Намыс болмагъан джерде, насыб болмаз.
- Тилчи тилден къаныкъмаз.
- Эллинг бла джау болсанг да, юйюнг бла джау болма.
- Алгъанда – джууукъ, бергенде – джау.
- Къобан да къуру да къобханлай турмайды, адам да къуру да патчахлай турмайды.
- Ауругъаннга – кийик саулукъ, джетген къызгъа – чилле джаулукъ.
- Ким бла джюрюсенг, аны кёзю бла кёрюнюрсе.
- Ёпкелегенни ашы татлы болады.
- Кёз – сюйген джерде, къол – ауругъан джерде.
- Эки ойлашыб, бир сёлешген.
- Сабыр джетер муратха, сабырсыз къалыр уятха.
- Адам боллукъ, атламындан белгили болур.
- Чабар ат – джетген къыз.
- Къонакъны къачан кетерин сорма, къачан келлигин сор.
- Хар зат кесини орнуна иги.
- Аман адамны тепсинге олтуртсанг, къызынгы тилер.
- Таш ата билмеген, башына урур.
- Джаз бир кюнню джатсанг, къыш талай кюнню абынырса.
- Насыблы элин сюер, насыбсыз кесин сюер.
- Эркишини аманы тиширыуну джылатыр.
- Аманны къуугъан, аманлыкъ табар.
- Аджал соруб келмез, келсе, къайтыб кетмез.
- Алтыда кюлмеген, алтмышда кюлмез.
- Ёлюр джаннга, ёкюл джокъ.
- Чомартха хар кюн да байрамды.
- Адамгъа аман кюн соруб келмейди.
- Мухарны эси – ашарыкъда.
- Экеу тутушса, биреу джыгъылыр.
- Аш иеси бла татлыды.
- Кюл тюбюндеги от кёрюнмейди.
- Аман къатын сабий табса, бий болур…
- Къан бла кирген, джан бла чыгъар.
- Тёрде – темир таякълы, къаяда – чыпчыкъ аякълы.
- Ата Джуртча джер болмаз, туугъан элча эл болмаз.
- Тойгъан джерге джети къайт.
- Уллу сёзде уят джокъ.
- Эли джокъну – кёлю джокъ.
- Тюзню ётмеги тюзде къалса да, тас болмаз.
- Кёбге таш атма.
- Болджал ишни бёрю ашар.
- Агъач – джерни чырайы, кийим – эрни чырайы.
- Этни да ашады, бетни да ашады.
- Аллахдан тилесенг, кёб тиле.
- Узун джолну барсанг, бюгюн келирсе, къысха джолну барсанг, тамбла келирсе.
- Ётюрюкню къуйругъу – бир тутум.
- Аякъларынгы джууургъанынга кёре узат.
- Аджалсыз ёлюм болмаз.
- Иги адамны бир сёзю эки болмаз.
- Махтаннган къыз, тойда джукълар.
- Терслик кетер, тюзлюк джетер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
