Аудио :: Аудио:: Байкулов Солтан

Адам боллукъ, атламындан белгили болур.
Къарны аманнга къазан такъдырма, къолу аманнга от джакъдырма.
Джетген къыз джерли эшекни танымаз.
Этим кетсе да, сюегим къалыр.
Окъ къызбайны джокълайды.
Аджал соруб келмез, келсе, къайтыб кетмез.
Джашда акъыл джокъ, къартда къарыу джокъ.
Уллу къазанда бишген эт, чий къалмаз.
Айтхан сёзюне табылгъан.
Игилик игилик бла сингдирилиучю затды.
Аман къатын сабий табса, бий болур…
Уясында не кёрсе, учханында аны этер.
Ауузу бла къуш тута айланады.
Адам туугъан джеринде, ит тойгъан джеринде.
Накъырданы арты керти болур.
Къарт болгъан джерде, берекет болур, сабий болгъан джерде, оюн болур.
Тик ёргени, тик энгишгеси да болады.
Къаллай салам берсенг, аллай джууаб алырса.
Ишлемеген – тишлемез.
Хар зат кесини орнуна иги.
Мал ёлсе, сюек къалыр, адам ёлсе, иши къалыр.
Элде адам къалмаса, ит тахтагъа минер.
Кёз – сюйген джерде, къол – ауругъан джерде.
Ариу сёз джыланны орнундан чыгъарыр.
Джолунга кёре – джюрюшюнг, джагъанга кёре – юлюшюнг.
Битмегеннге сакъал – танг.
Эл элде бирер малынг болгъандан эсе, бирер тенгинг болсун.
Ат да турмайды бир териде.
Дууулдаса – бал чибин, къонса – къара чибин.
Шайтан алдады, тюзлюк къаргъады.
Келлик заман – къартлыкъ келтирир, кетген заман – джашлыкъ ёлтюрюр.
Бет бетге къараса, бет да джерге къарар.
Акъыллы башны – тили къысха.
Байлыкъ адамны сокъур этер.
Адебни адебсизден юрен.
Къар – келтирди, суу – элтди.
Телиге от эт десенг, юйюнге от салыр.
Ана кёлю – балада, бала кёлю – талада.
Тёрдеги кюлсе, эшикдеги ышарыр.
Чарсда алчыны эл кёреди.
Огъурлуну сёзю – суу, огъурсузну сёзю – уу.
Ач къарным, тынч къулагъым.
Сангырау къулакъ эл бузар.
Чакъырылмагъан къонакъ къачан кетерин сормаз.
Билимсиз иш бармаз.
Бал ашаргъа сюе эсенг, чибин ургъаннга тёз.
Эки къатын алгъан – эки ташны ортасына башын салгъан.
Гитче джилтин уллу элни джандырыр.
Къазанчы аман болса, къазаны къайнамаз.
Къатын байлыкъны сюер, эр саулукъну сюер.

Логин:	Регистрация

Пароль:	Забыли пароль?

Запомнить меня

Аудио

Байкулов Солтан

Скачать

Адрес