Аудио :: Аудио:: Шунгаров Хорлам

Кёл – къызбай, къол – батыр.
Ёксюзню къалачы уллу кёрюнюр.
Джолунга кёре – джюрюшюнг, джагъанга кёре – юлюшюнг.
Ишлегенден, къарагъан уста.
Мал ёлсе, сюек къалыр, адам ёлсе, иши къалыр.
Чакъырылмагъан джерге барма, чакъырылгъан джерден къалма.
Хазыр ашха – терен къашыкъ.
Эркишини аманы тиширыуну джылатыр.
Иги – алгъыш этер, аман – къаргъыш этер.
Ауурну тюбю бла, дженгилни башы бла джюрюген.
Суугъа – таянма, джаугъа – ийнанма.
Джан саулукъ бермей, сан саулукъ бермезсе.
Адамгъа аман кюн соруб келмейди.
Тин – байлыгъынг, терен саулугъунг.
Эл тойса, тоймагъан, эл къойса, къоймагъан.
Мадар болса, къадар болур.
Экеу тутушса, биреу джыгъылыр.
Къонакъны къачан кетерин сорма, къачан келлигин сор.
Биреуге кёлтюрген таягъынг, кесинги башынга урур.
Къайгъы тюбю – тенгиз.
Келлик заман – къартлыкъ келтирир, кетген заман – джашлыкъ ёлтюрюр.
Азыгъы аз, алгъа къабар, аты аман, алгъа чабар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къартны сыйын кёрмеген, къартлыгъында сыйлы болмаз.
Ана кёлю – балада, бала кёлю – талада.
Ойнай билмеген, оюн бузар.
Ишге юренсин къоллары, халкъ бла болсун джоллары.
Магъанасыз сёз – тауушсуз сыбызгъы.
Кёлсюзден сёзсюз тууар.
Джарлы эскисин джамаса, къууаныр.
Гитче джилтин уллу элни джандырыр.
Чарсда алчыны эл кёреди.
Тёрдеги кюлсе, эшикдеги ышарыр.
Кёзню ачылгъаны – иги, ауузну джабылгъаны – иги.
Биреуню тёрюнден, кесинги эшик артынг игиди.
Адебсиз адам – джюгенсиз ат.
Къуллукъчума, деб махтанма, къуллукъ – хаух джамчыды!
Тай асырагъан, атха минер.
Хар зат кесини орнуна иги.
Элге къуллукъ этмеген, элге ие болмаз.
Ётюрюкню къуйругъу – бир тутум.
Къошда джокъгъа – юлюш джокъ.
Тойгъа барсанг, тоюб бар, эски тонунгу къоюб бар.
Ана – юйню кюн джарыгъы.
Тюзлюк тас болмайды.
Алма терегинден кери кетмез.
Ашарыкъда сайлагъаннга – чий гырджын.
Бет бетге къараса, бет да джерге къарар.
Кюн кёрмеген, кюн кёрсе, кюндюз чыракъ джандырыр.
Баш болса, бёрк табылыр.

Логин:	Регистрация

Пароль:	Забыли пароль?

Запомнить меня

Аудио

Шунгаров Хорлам

Скачать

Адрес