Аудио :: Аудио:: Багдади Сухель

Къызны минг тилер, бир алыр.
Уллу къазанда бишген эт, чий къалмаз.
Уруну арты – къуру.
Башынга джетмегенни сорма.
Билим ат болуб да чабар, къуш болуб да учар.
Къайгъыны сюйген, къайгъы табар.
Джырчы джырчыгъа – къарнаш.
Тамырсыз терекге таянма – джыгъылырса.
Къарнынг бла ёч алма.
Джарлыны эшигин махтагъан джабар.
Тойгъанлыкъ къойгъа джарашады.
Таугъа чыгъаллыкъ эсенг, тюзде къалма.
Ариу – кёзге, акъыл – джюрекге.
Тили узунну, намысы – къысха.
Ариу сёзде ауруу джокъ.
Келгинчи, къонакъ уялыр, келгенден сора, къонакъбай уялыр.
Терек ауса, отунчу – кёб.
Ата Джуртуму башы болмасам да, босагъасында ташы болайым.
Къууут – джелге, берне – бошха.
Аджал соруб келмез, келсе, къайтыб кетмез.
Къарын къуру болса, джюрек уру болур.
Эр абынмай, эл танымаз.
Тилчи бир сагъатха айлыкъ хата этер.
Босагъагъа джууукъ орун болса, ашыгъыб тёрге озма.
Къонакъ аман болса, къонакъбай джунчур
Къонакъны къачан кетерин сорма, къачан келлигин сор.
Нёгерсизни джолу узун.
Акъдан къара болмаз.
Тешигини къатында, чычхан да батыр болур.
Тюзню ётмеги тюзде къалса да, тас болмаз.
Ариу сёз – джаннга азыкъ, аман сёз – башха къазыкъ.
Джашынгы кесинг юретмесенг, джашау юретир.
Эшекге миннген – биринчи айыб, андан джыгъылгъан – экинчи айыб.
Иги джашны ышаны – аз сёлешиб, кёб тынгылар.
Таукел тауну аудурур.
Кёбню кёрген – кёб билир.
Тойгъан антын унутур.
Къонакъ болсанг, ийнакъ бол.
Хаухну атма, ёнгкючню сатма.
Биреуню эскиси биреуге джангы болмайды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ашлыкъ – бюртюкден, джюн – тюкден.
Ичимден чыкъды хата, къайры барайым сата?
Эртде тургъан джылкъычыны эркек аты тай табар.
Джан саулукъ бермей, сан саулукъ бермезсе.
Мухарны эси – ашарыкъда.
Чабакъсыз кёлге къармакъ салгъанлыкъгъа, чабакъ тутмазса.
Джумушакъ терекни къурт ашар.
Адамны бетине къарама, адетине къара.
Дуния мал дунияда къалады.

Логин:	Регистрация

Пароль:	Забыли пароль?

Запомнить меня

Аудио

Багдади Сухель

Скачать

Адрес