Аудио :: Аудио:: Шидакова Аминат

Бичгенде ашыкъма, тикгенде ашыкъ.
Тели турса – той бузар.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ариу сёз – къылычдан джити.
Булут кёкге джарашыу, уят бетге джарашыу.
Окъугъанны бети джарыкъ.
Къарыусузгъа кюлме, онгсузгъа тийме.
Джан саулукъ бермей, сан саулукъ бермезсе.
Тилчи тилден къаныкъмаз.
Арба аугъандан сора, джол кёргюзтюучю кёб болур.
Кёб джат да, бек чаб.
Джаш къарыу бла кючлю, къарт акъыл бла кючлю.
Ёлген ийнек сютлю болур.
Иги адам абынса да, джангылмаз.
Эрине къаргъыш этген къатын, эрнин къабар.
Дууулдаса – бал чибин, къонса – къара чибин.
От этилмеген джерден тютюн чыкъмайды.
Къатын байлыкъны сюер, эр саулукъну сюер.
Аман адам этегингден тутса, кес да къач.
Ата – билек, ана – джюрек!
Ханы къызы буюгъа-буюгъа киштик болду.
Накъырданы арты керти болур.
Эр абынмай, эл танымаз.
Хоншуну тауугъу къаз кёрюнюр, келини къыз кёрюнюр.
Чакъырылмагъан къонакъ тёрге атламаз.
Адам сёзюнден белгили.
Кенгеш болса, уруш болмаз.
Джерни букъусу кёкге къонмаз.
Мухар, кеси тойса да, кёзю тоймаз.
Джашлыкъ этмеген, башлыкъ этмез.
Ауузу бла къуш тута айланады.
Чомартны къолун джокълукъ байлар.
Элде адам къалмаса, ит тахтагъа минер.
Джиби бир къат джетмей эди да, эки къат тарта эди.
Алгъанда – джууукъ, бергенде – джау.
Аман хансны – урлугъу кёб.
Ата – баланы уясы.
Ашда – бёрю, ишде – ёлю.
Сангырау къулакъ эл бузар.
Билимли ёлмез, билимсиз кёрмез.
Азыгъы аз, алгъа къабар, аты аман, алгъа чабар.
Кесине гебен этелмеген, биреуге черен эте эди.
Телини эшигин, махтау джабар.
Окъуусуз билим – джокъ, билимсиз кюнюнг – джокъ.
Ач, тоймам, дейди, тойгъан, ач болмам, дейди.
Урунуу – насыбны анасы.
Артына баргъанны, къатына барма.
Акъдан къара болмаз.
Джылар джаш, атасыны сакъалы бла ойнар.
Бал чибинни ургъаны – ачы, балы – татлы.

Логин:	Регистрация

Пароль:	Забыли пароль?

Запомнить меня

Аудио

Шидакова Аминат

Скачать

Адрес