Песен: 10 Создан:
06.05.2015 Обновлен:
05.11.2015
| 3 Мая | 2024 года |
Навигация
- Тас болгъан бычакъны сабы – алтын.
- Атынг аманнга чыкъгъандан эсе, джанынг тамагъынгдан чыкъсын.
- Ашхы тенг джолгъа салыр, аман тенг джолдан тайдырыр.
- Эрни эр этерик да, къара джер этерик да, тиширыуду.
- Итли къонакъ джарашмаз.
- Тюкюрюк баш джармаз, налат кёз чыгъармаз!
- Сангырау къулакъ эл бузар.
- Аш хазыр болса, иш харам болур.
- Эл ауузу – элек, анга ийнаннган – халек.
- Къолу уллу – асыу, аягъы уллу – джарсыу.
- Акъыл аздырмаз, билим тоздурмаз.
- Этим кетсе да, сюегим къалыр.
- Окъуусуз билим – джокъ, билимсиз кюнюнг – джокъ.
- Адеб джокъда, намыс джокъ.
- Тели турса – той бузар.
- Аджалсыз ёлюм болмаз.
- Джаханимни кёрмей, джандетге кёл салмазса.
- Джолунга кёре – джюрюшюнг, джагъанга кёре – юлюшюнг.
- Келинин тута билмеген, къул этер, къызын тута билмеген, тул этер.
- Билим – акъылны чырагъы.
- Ариу сёз аурууунгу алыр.
- Акъыллы айтыр эди, акъылсыз къоймайды.
- Джаз бир кюнню джатсанг, къыш талай кюнню абынырса.
- Джеринден айырылгъан – джети джылар, джуртундан айырылгъан – ёлгюнчю джылар.
- Сагъыш – къартлыкъгъа сюйюмчю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойгъа барсанг, тоюб бар, эски тонунгу къоюб бар.
- Этни да ашады, бетни да ашады.
- Къанны къан бла джуума, аманны аман бла къуума.
- Тик ёргени, тик энгишгеси да болады.
- Къаллай салам берсенг, аллай джууаб алырса.
- Къызны минг тилер, бир алыр.
- Юреннген ауруу къалмаз.
- Ата джурт – алтын бешик.
- Джашынгы кесинг юретмесенг, джашау юретир.
- Адамны сабийин сюйген джюреги, бычакъча, джитиди.
- Чарсда алчыны эл кёреди.
- Къошда джокъгъа – юлюш джокъ.
- Эм уллу байлыкъ – джан саулукъ.
- Халкъны юйю – туугъан джери.
- Тенги кёбню джау алмаз, акъылы кёбню дау алмаз.
- Мухардан ач ычхынмаз.
- Айран ичген – къутулду, джугъусун джалагъан – тутулду.
- Тура эдим джата, къайдан чыкъды хата?
- Бетинги сатма, малынгы сат.
- Къарнынг бла ёч алма.
- Келлик заман – къартлыкъ келтирир, кетген заман – джашлыкъ ёлтюрюр.
- Къарыусузгъа кюлме, онгсузгъа тийме.
- Экеу тутушса, биреу джыгъылыр.
- Халкъны джырын джырласанг, халкъ санга эжиу этер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
