Аудио :: Аудио:: Батчаев Ахмат

Ёксюзню тилеги къабыл болур.
Ата – билек, ана – джюрек!
Айраннга суу къош, телиге джол бош.
Тёгюлген тюгел джыйылмайды.
Чоюнну башы ачыкъ болса, итге уят керекди.
Ичимден чыкъды хата, къайры барайым сата?
Къызбайны юйюне дери сюрсенг, батыр болур.
Ёлген аслан – сау чычхан.
Чабар ат – джетген къыз.
Адеб джокъда, намыс джокъ.
Нёгер болсанг, тенг бол, тенг болмасанг, кенг бол.
Джылар джаш, атасыны сакъалы бла ойнар.
Адам сёзюнден белгили.
Эл бла кёргенинг эрелей.
Бастасын ашагъан, хантусун да ичер.
Чакъырылмагъан къонакъ къачан кетерин сормаз.
Хунаны тюбюн къазсанг, юсюнге ауар.
Адамны бетине къарама, адетине къара.
Ариуну – ауруу кёб.
Ата – баланы уясы.
Келгинчи, къонакъ уялыр, келгенден сора, къонакъбай уялыр.
Джарашыу сюйген – джалынчакъ.
Ауузу бла къуш тута айланады.
Бозанг болмагъан джерге, къалагъынгы сукъма.
Кёб ант этген, кёб ётюрюк айтыр.
Магъанасыз сёз – тауушсуз сыбызгъы.
Аман къатын алгъан, арыр, иги къатын алгъан джарыр.
Ёлген ийнек сютлю болур.
Къарын къуру болса, джюрек уру болур.
Къаллай салам берсенг, аллай джууаб алырса.
Насыблы элин сюер, насыбсыз кесин сюер.
Сёз къанатсыз учар.
Ана – юйню кюн джарыгъы.
Окъдан джара эртде-кеч болса да бителир, сёз джара, ёмюрге къалыр.
Ач къалгъандан, кеч къалгъан къолай.
Баш – акъыл ючюн, акъылман – халкъ ючюн.
Ашда – бёрю, ишде – ёлю.
Гугук кесини атын айтыб къычыргъанча, мен, мен деб нек тураса?
Билимли ёлмез, билимсиз кёрмез.
Кёкдеги болмаса, джердегин кёрмейди.
Башланнган иш битер, къымылдагъан тиш тюшер.
Керти сёзге тёре джокъ.
Рысхы джалгъанды: келген да этер, кетген да этер.
Уллу сёлешме да, уллу къаб.
Эринчекни эр алмаз, эр алса да, кёл салмаз, кёл салса да, кёб бармаз!
Билим – акъылны чырагъы.
Кеси юйюмде мен да ханма.
Адеб базарда сатылмаз.
Эки къатын алгъан – эки ташны ортасына башын салгъан.
Иги сеники эсе да, сюйген кесимикин этеме.

Логин:	Регистрация

Пароль:	Забыли пароль?

Запомнить меня

Аудио

Батчаев Ахмат

Скачать

Адрес