Песен: 3 Создан:
06.05.2015 Обновлен:
06.05.2015
| 3 Мая | 2024 года |
Навигация
- Ашаса, ашамаса да, бёрюню ауузу – къан.
- Атадан ёксюз – бир ёксюз, анадан ёксюз – эки ёксюз.
- Бети бедерден, намыс сакълама.
- Сёз къанатсыз учар.
- Орну джокъну – сыйы джокъ.
- Уллу айтханны этмеген – уллаймаз.
- Чалманны аллы къалай башланса, арты да алай барады.
- Ана кёлю – балада, бала кёлю – талада.
- Джашынгы кесинг юретмесенг, джашау юретир.
- Кесине оноу эте билмеген, халкъына да эте билмез.
- Тас болгъан бычакъны сабы – алтын.
- Башы ишлегенни, ауузу да ишлер.
- Эри аманны, къатыны – аман.
- Къарт бла баш аша, джаш бла аякъ аша.
- Ариуну – ауруу кёб.
- Джеринден айырылгъан – джети джылар, джуртундан айырылгъан – ёлгюнчю джылар.
- Сютден ауузу кюйген, суугъа юфгюре эди.
- Элге къуллукъ этмеген, элге ие болмаз.
- Ёлген эшек бёрюден къоркъмайды.
- Таукел къуру къалмаз.
- Джигер – джаннга къыйынлыкъ.
- Билмейме деген – бир сёз
- Тешик этген тынчды, аны джамагъан къыйынды.
- Ётюрюк хапар аякъ тюбю бла джюрюйдю.
- Ариу сёз – къылычдан джити.
- Адам къаллай бир ишленмесе, аллай бир кесин уллу кёреди.
- Ханы къызы буюгъа-буюгъа киштик болду.
- Тин – байлыгъынг, терен саулугъунг.
- Кёкдеги болмаса, джердегин кёрмейди.
- Баш болса, бёрк табылыр.
- Сууда джау джокъ, кёб сёзде магъана джокъ.
- Къазанчы аман болса, къазаны къайнамаз.
- Хатерли къул болур.
- Эски джаугъа ышанма.
- Арбаз къынгырды да, ийнек сауалмайма.
- Магъанасыз сёз – тауушсуз сыбызгъы.
- Аджал соруб келмез, келсе, къайтыб кетмез.
- Кюн – узун, ёмюр – къысха.
- Ишге юренсин къоллары, халкъ бла болсун джоллары.
- Джаралыны джастыгъында сау ёлюр.
- Тойчу джашха къарама, къойчу джашха къара.
- Джашда акъыл джокъ, къартда къарыу джокъ.
- Борчунг бар эсе, хурджунунга ойлаб узал.
- Къайгъы тюбю – тенгиз.
- Уруну арты – къуру.
- Эл тойса, тоймагъан, эл къойса, къоймагъан.
- Рысхы – сют юсюнде кёмюк кибикди.
- Тил бла келеди джыр да.
- Айтхан – тынч, этген – къыйын.
- Аджашхан тёгерек айланыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
