Песен: 6 Создан:
06.05.2015 Обновлен:
27.11.2017
| 2 Мая | 2024 года |
Навигация
- Босагъа таш юйге кирмей эди, тыбыр таш эшикге чыкъмай эди.
- Тил – кесген бычакъ, сёз – атылгъан окъ.
- Миллетни бойну – базыкъ, аны бла кюрешген – джазыкъ.
- Аманнга игилик этсенг, юйюнге сау бармазса.
- Аууз сакълагъан – джан сакълар.
- Берекет берсин деген джерде, берекет болур.
- Ашына кёре табагъы, балына кёре къалагъы.
- Бойнуму джети джерден кессенг да, мен ол ишни этеллик тюлме.
- Хазыр ашха – терен къашыкъ.
- Таш бла ургъанны, аш бла ур.
- Къыз тиширыу кеси юйюнде да къонакъды.
- Биреуню тёрюнден, кесинги эшик артынг игиди.
- Ариу сёз аурууунгу алыр.
- Тешик этген тынчды, аны джамагъан къыйынды.
- Ана къолу ачытмаз.
- Уллу сёлешме да, уллу къаб.
- Адебни адебсизден юрен.
- Бермеген къол, алмайды.
- Джаз бир кюнню джатсанг, къыш талай кюнню абынырса.
- Айран ичген – къутулду, джугъусун джалагъан – тутулду.
- Эшекге миннген – биринчи айыб, андан джыгъылгъан – экинчи айыб.
- Къумурсхала джыйылсала, пилни да джыгъадыла.
- Аджашхан тёгерек айланыр.
- Мен да «сен», дейме, сен да «кесим», дейсе.
- Ауругъаннга – кийик саулукъ, джетген къызгъа – чилле джаулукъ.
- Ёлмесенг да, къарт дамы болмазса?
- Дуния мал дунияда къалады.
- Джерни букъусу кёкге къонмаз.
- Къазанчы аман болса, къазаны къайнамаз.
- Къарын къуру болса, джюрек уру болур.
- Алгъанда – джууукъ, бергенде – джау.
- Окъугъанны бети джарыкъ.
- Бичгенде ашыкъма, тикгенде ашыкъ.
- Джумушакъ терекни къурт ашар.
- Ёзденликни кёбю ётюрюк.
- Мухарны эси – ашарыкъда.
- Садакъачыны джаны – къапчыгъында.
- Гыдай эчки суугъа къараб, мюйюзле кёрмесе, джашма алкъын, дегенди.
- Биреуню къыйынлыгъы бла кесинге джол ишлеме.
- Хар сёзню орну барды.
- Бастасын ашагъан, хантусун да ичер.
- Тюз сёз баргъан сууну тыяр.
- Билим къая тешер.
- Ачыу алгъа келсе, акъыл артха къалады.
- Ишлемеген – тишлемез.
- Эрни эр этерик да, къара джер этерик да, тиширыуду.
- Накъырданы арты керти болур.
- Келгинчи, къонакъ уялыр, келгенден сора, къонакъбай уялыр.
- Сакъламагъан затынга джолукъсанг, не бек къууанаса, не бек ачыйса.
- Ишлерге уял да, ашаргъа табма.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
