Аудио :: Аудио:: Узденов Сапар

Шапа кёб болса, аш татымсыз болур.
Кёл ашады да, кеси ашады.
Мал ёлсе, сюек къалыр, адам ёлсе, иши къалыр.
Атлыны кёрсе, джаяуну буту талыр.
Тюз сёз баргъан сууну тыяр.
Кесинг сынамагъан затны, адамгъа буюрма.
Иги сеники эсе да, сюйген кесимикин этеме.
Бюгюн дуния кибик, тамбла ахыратды.
Сибиртки да сыйлы болду, кюрек да кюнлю болду.
Хар сёзню орну барды.
Экеу тутушса, биреу джыгъылыр.
Окъугъан – асыу, окъумагъан – джарсыу.
Окъдан джара эртде-кеч болса да бителир, сёз джара, ёмюрге къалыр.
Сабий кёргенин унутмаз.
Ишге юренсин къоллары, халкъ бла болсун джоллары.
Келинни – келгинчи, бёркню кийгинчи кёр.
Ауругъан – джашаудан умутчу.
Окъугъан озар, окъумагъан тозар.
Джиби бир къат джетмей эди да, эки къат тарта эди.
Аууз сакълагъан – джан сакълар.
Тау башында, тау болмаз, джангыз терек, бау болмаз.
Къайгъы тюбю – тенгиз.
Сакъламагъан затынга джолукъсанг, не бек къууанаса, не бек ачыйса.
Сагъыш – къартлыкъгъа сюйюмчю.
Ариу сёз аурууунгу алыр.
Эм ашхы къайын ана мамукъ бла башынгы тешер.
Айтхан сёзюне табылгъан.
Тилсиз миллет джокъ болур.
Ана кёлю – балада, бала кёлю – талада.
Ётюрюкню къуйругъу – бир тутум.
Эл элде бирер малынг болгъандан эсе, бирер тенгинг болсун.
Дуния мал дунияда къалады.
Къарт болгъан джерде, берекет болур, сабий болгъан джерде, оюн болур.
Биреу ашаб къутулур, биреу джалаб тутулур.
Эски джаугъа ышанма.
Ачлыкъда тары гырджын халыуадан татлы.
Къулакъдан эсе, кёзге ышан.
Татлы сёз – балдан татлы.
Ашыкъгъанны этеги бутуна чырмалыр.
Ана къолу ачытмаз.
Акъыл неден да кючлюдю.
Ашхы болсанг, атынг чыгъар, аман болсанг, джанынг чыгъар.
Ёгюзню мюйюзлери ауурлукъ этмейдиле.
Ишин билген, аны сыйын чыгъарады.
Адеб базарда сатылмаз.
Чомартха хар кюн да байрамды.
Байлыкъдан саулукъ ашхыды.
Ишлегенден, къарагъан уста.
Мураты болгъанны джюрек тебюую башхады.
Байлыкъ келсе, акъыл кетер.

Логин:	Регистрация

Пароль:	Забыли пароль?

Запомнить меня

Аудио

Узденов Сапар

Скачать

Адрес