Песен: 4 Создан:
06.05.2015 Обновлен:
06.05.2015
| 4 Мая | 2024 года |
Навигация
- Къарыусузгъа кюлме, онгсузгъа тийме.
- Келинни – келгинчи, бёркню кийгинчи кёр.
- Ёлген эшек бёрюден къоркъмайды.
- Азыгъы аз, алгъа къабар, аты аман, алгъа чабар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачны эсинде – аш.
- Эл бла кёргенинг эрелей.
- Чоюнну башы ачыкъ болса, итге уят керекди.
- Мал ёлсе, сюек къалыр, адам ёлсе, иши къалыр.
- Атлыны кёрсе, джаяуну буту талыр.
- Ашхы тенг джолгъа салыр, аман тенг джолдан тайдырыр.
- Тойгъа алгъа да барма, тойда артха да къалма.
- Джаным-тиним – окъуу, билим.
- Насыб бютеу халкъны юлюшюдю.
- Аууз сакълагъан – джан сакълар.
- Ишни аллы бла къууанма да, арты бла къууан.
- Татлы тилде – сёз ариу, чемер къолда – иш ариу.
- Тили узунну, намысы – къысха.
- Окъугъан озар, окъумагъан тозар.
- Сабийни джумушха джибер да, ызындан бар.
- Акъыл аздырмаз, билим тоздурмаз.
- Тойну къарнашы – харс, джырны къарнашы – эжиу.
- Джаз бир кюнню джатсанг, къыш талай кюнню абынырса.
- Намысы болмагъанны, сыйы болмаз.
- Аш иеси бла татлыды.
- Сормай – алма, чакъырылмай – барма.
- Тау башында, тау болмаз, джангыз терек, бау болмаз.
- Къайгъы тюбю – тенгиз.
- Байлыкъ адамны сокъур этер.
- Акъдан къара болмаз.
- Ашатыргъа иш – ашхы, ишлетирге аш – ашхы.
- Къралынгы – душмандан, башынгы от бла суудан сакъла.
- Чомартха хар кюн да байрамды.
- Сёз сёзню айтдырыр.
- Сёз – кюмюш, джыр – алтын.
- Баш – акъыл ючюн, акъылман – халкъ ючюн.
- Ёзденликни кёбю ётюрюк.
- Къарнынг къанлынга кийирир.
- Къатыны харакетли болса, эри къымсыз болур.
- Кюл тюбюндеги от кёрюнмейди.
- Айырылмаз джууугъунга, унутмаз сёзню айтма.
- Тойгъандан сора, ашны сёкме.
- Насыблы элин сюер, насыбсыз кесин сюер.
- Сибиртки да сыйлы болду, кюрек да кюнлю болду.
- Хатерли къул болур.
- Душманны тышы – акъ, ичи – къара.
- Суу ичген шауданынга тюкюрме.
- Айтхан сёзюне табылгъан.
- Аман хансны – урлугъу кёб.
- Ушамагъан – джукъмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
