Песен: 5 Создан:
06.05.2015 Обновлен:
29.01.2018
| 4 Мая | 2024 года |
Навигация
- Сабийликде юретмесенг, уллу болса – тюзелмез.
- Эм уллу байлыкъ – джан саулукъ.
- Сёз садакъдан кючлюдю.
- Таукел тауну аудурур.
- Хатерли къул болур.
- Кёб джат да, бек чаб.
- Къоркъакъны кёзю экили кёрюр.
- Ёлген эшек бёрюден къоркъмайды.
- Дуния мал дунияда къалады.
- Тыш элде солтан болгъандан эсе, кесинги элде олтан болгъан игиди!
- Харам къарнашдан, халал тенг ашхы.
- От кюйдюрген, сау болса да, тот кюйдюрген, сау болмаз.
- Кёлю джокъну – джолу джокъ.
- Адамны аманы адамны бети бла ойнар.
- Садакъачыны джаны – къапчыгъында.
- Адамны бетине къарама, адетине къара.
- Къатыны харакетли болса, эри къымсыз болур.
- Азыкъ аз болса, эртде орун сал.
- Чомартха хар кюн да байрамды.
- Онгсузну – джакъла, тенгликни – сакъла.
- Намысы болмагъанны, сыйы болмаз.
- Адам къаллай бир ишленмесе, аллай бир кесин уллу кёреди.
- Илму – джашауну джолу.
- Тамбла алтындан бюгюн багъыр ашхы.
- Эринчекге кюн узун.
- Аш хазыр болса, иш харам болур.
- Телиге от эт десенг, юйюнге от салыр.
- Айран ичген – къутулду, джугъусун джалагъан – тутулду.
- Ата – билек, ана – джюрек!
- Джаш болсун, къыз болсун, акъылы, саны тюз болсун.
- Къонакъ аз олтурур, кёб сынар.
- Ышармагъан – кюлмез, кюлмеген – къууанчны билмез.
- Джигер – джаннга къыйынлыкъ.
- Ёзденликни кёбю ётюрюк.
- Эрни эр этерик да, къара джер этерик да, тиширыуду.
- Зарда марда джокъ.
- Кёбден умут этиб, аздан къуру къалма.
- Элиб деген, элге болушур.
- Къазанчы аман болса, къазаны къайнамаз.
- Къартны сыйын кёрмеген, къартлыгъында сыйлы болмаз.
- Къайгъы тюбю – тенгиз.
- Хоншуну тауугъу къаз кёрюнюр, келини къыз кёрюнюр.
- Чакъырылмай келген къонакъ сыйланмай кетер.
- Адамны аты башхача, акъылы да башхады.
- Этим кетсе да, сюегим къалыр.
- Бастасын ашагъан, хантусун да ичер.
- Ёгюзню мюйюзюнден тутадыла, адамны сёзюнден тутадыла.
- Баш болса, бёрк табылыр.
- Босагъа таш юйге кирмей эди, тыбыр таш эшикге чыкъмай эди.
- Кёз – сюйген джерде, къол – ауругъан джерде.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
