Аудио :: Аудио:: Токов Мурат

Билимден уллу байлыкъ джокъду.
Ургъан суудан башынгы сакъла.
Кийимни бир кюнню аясанг, минг кюннге джарар.
Билеги кючлю, бирни джыгъар, билими кючлю, мингни джыгъар.
Чабакъсыз кёлге къармакъ салгъанлыкъгъа, чабакъ тутмазса.
Арбаз къынгырды да, ийнек сауалмайма.
Ачлыкъда тары гырджын халыуадан татлы.
Мени джылытмагъан кюн, меннге тиймесин!
Тик ёргени, тик энгишгеси да болады.
Чомартны къолу берекет.
Джетген къыз джерли эшекни танымаз.
Джыйырма къойну юч джыйырма эбзе кюте эди.
Иги сеники эсе да, сюйген кесимикин этеме.
Битмегеннге сакъал – танг.
Джыланны къуйругъундан басарынг келсе, аны башы болгъанын унутма.
Ышармагъан – кюлмез, кюлмеген – къууанчны билмез.
Дженгил джетерикме деб, узун джолну къоюб, къысхасын барма.
Кенгеш болса, уруш болмаз.
Бети къызарыучу адамны, джюреги харам болмаз.
Къралынгы – душмандан, башынгы от бла суудан сакъла.
Джаз бир кюнню джатсанг, къыш талай кюнню абынырса.
Эринчекге кюн узун.
Юре билмеген ит, къонакъ келтирир.
Джукъу тёшек сайламайды.
Адам сёзюнден белгили.
Ашлыкъны арба юйге келтирир, чана базаргъа элтир.
Джан саулукъ бермей, сан саулукъ бермезсе.
Эринчекни эр алмаз, эр алса да, кёл салмаз, кёл салса да, кёб бармаз!
Адамны сабийин сюйген джюреги, бычакъча, джитиди.
Къыз чыгъаргъан – къызыл къымжа.
Экиндини кеч къылсанг, чабыб джетер ашхам.
Ёлген эшек бёрюден къоркъмайды.
Гырджын – тепсини тамадасы.
Телиге акъыл салгъандан эсе, ёлгеннге джан салырса.
Атлыны кёрсе, джаяуну буту талыр.
Хата – гитчеден.
Рысхысына кёре, джаш ёсер, къышлыгъына кёре, мал ёсер.
Къызын тута билмеген, тул этер, джашын тута билмеген, къул этер.
Джылар джаш, атасыны сакъалы бла ойнар.
Арпа, будай – ащды, алтын, кюмюш а – ташды.
Тёзген – тёш ашар!
Адамны артындан къара сабан сюрме.
Ишлегенден, къарагъан уста.
Аманнга алтын чыдамаз.
Этни бети бла шорпасы.
Харам къарнашдан, халал тенг ашхы.
Халкъны джырын джырласанг, халкъ санга эжиу этер.
Суугъа – таянма, джаугъа – ийнанма.
Джангыз терек къынгыр ёсер.
Кёзюнде тереги болгъан, чёбю болгъаннга кюле эди.

Логин:	Регистрация

Пароль:	Забыли пароль?

Запомнить меня

Аудио

Токов Мурат

Скачать

Адрес