Аудио :: Аудио:: Кайтаев Магомед

Кёб ант этген, кёб ётюрюк айтыр.
Айтылгъан сёз ызына къайтмаз.
Къайгъы тюбю – тенгиз.
Билеги кючлю, бирни джыгъар, билими кючлю, мингни джыгъар.
Халкъны джырын джырласанг, халкъ санга эжиу этер.
Телиге акъыл салгъандан эсе, ёлгеннге джан салырса.
Адеби болмагъан къыз – тузсуз хант.
Асхат ашлыкъ сата, юйдегиси ачдан къата.
Уллу айтханны этмеген – уллаймаз.
Эшекни не къадар тюйсенг да, ат болмаз.
Таш ата билмеген, башына урур.
Эшекге миннген – биринчи айыб, андан джыгъылгъан – экинчи айыб.
Ётген ёмюр – акъгъан суу.
Юй ишлеген балта эшикде къалыр.
Ёгюзню мюйюзлери ауурлукъ этмейдиле.
Хантына кёре тузу, юйюне кёре къызы.
Сёз – кюмюш, джыр – алтын.
Чакъырылмагъан къонакъ тёрге атламаз.
Баланы адам этген анады.
Джаралыны джастыгъында сау ёлюр.
Зар адам ашынгы ашар, кесинги сатар.
Нафысынгы айтханын этме, намысынгы айтханын эт.
Насыблы элин сюер, насыбсыз кесин сюер.
Адамны аты башхача, акъылы да башхады.
Тойгъан джерге джети къайт.
Къая джолда джортма, ачыкъ сёзден къоркъма.
Джырчы джырчыгъа – къарнаш.
Кёбден умут этиб, аздан къуру къалма.
Кёзюнде тереги болгъан, чёбю болгъаннга кюле эди.
Уясында не кёрсе, учханында аны этер.
Айтхан сёзюне табылгъан.
Адам боллукъ, атламындан белгили болур.
Ишленмеклик адамлыкъды.
Окъумагъан сокъурду, сокъур ташха абыныр!
Бал – татлы, балдан да бала – татлы.
Адамны джюреги нени кёрюрге сюйсе, кёзю да аны кёрюрге ёч болады.
Босагъагъа джууукъ орун болса, ашыгъыб тёрге озма.
Термилгенинги табмазса, кюлгенинге тюберсе.
Аууздан келген, къолдан келсе, ким да патчах болур эди.
Ашарыкъда сайлагъаннга – чий гырджын.
Къарыусузгъа кюлме, онгсузгъа тийме.
Тилчиден кери бол.
Юй кюйдю да, кюйюз чыкъды, ортасындан тюйюш чыкъды.
Харам къарнашдан, халал тенг ашхы.
Ишни ахырын ойламай, аллын башлама.
Аллахха ийнаннган кишини, Аллах онгдурур ишин.
Къарын къуру болса, джюрек уру болур.
Иги сеники эсе да, сюйген кесимикин этеме.
Къозулугъунда тоймагъан, къойлугъунда тоймаз.
Къонакъ хазыр болгъанлыкъгъа, къонакъбай хазыр тюлдю.

Логин:	Регистрация

Пароль:	Забыли пароль?

Запомнить меня

Аудио

Кайтаев Магомед

Скачать

Адрес