Песен: 7 Создан:
06.05.2015 Обновлен:
06.05.2015
| 3 Мая | 2024 года |
Навигация
- Билимсиз иш бармаз.
- Эки къатын алгъан – эки ташны ортасына башын салгъан.
- Чомартны къолун джокълукъ байлар.
- Къобан да къуру да къобханлай турмайды, адам да къуру да патчахлай турмайды.
- Джарлыны эшигин махтагъан джабар.
- Билим ат болуб да чабар, къуш болуб да учар.
- Джюрек кёзден алгъа кёрюр.
- Кёл – къызбай, къол – батыр.
- Бозанг болмагъан джерге, къалагъынгы сукъма.
- Атынг аманнга чыкъгъандан эсе, джанынг тамагъынгдан чыкъсын.
- Атадан ёксюз – бир ёксюз, анадан ёксюз – эки ёксюз.
- Насыблы элин сюер, насыбсыз кесин сюер.
- Бир абыннган – минг сюрюнюр.
- Тойгъа алгъа да барма, тойда артха да къалма.
- Хаухну атма, ёнгкючню сатма.
- Джигер – джаннга къыйынлыкъ.
- Эки итни арасына сюек атма, эки адамны арасында сёз чыгъарма.
- Телини эшигин, махтау джабар.
- Таукел тауну аудурур.
- Ашхы тенг джолгъа салыр, аман тенг джолдан тайдырыр.
- Байны къызы баймакъ болса да, юйде къалмаз!
- Ёпкелегенни ашы татлы болады.
- Окъуу – билимни ачхычы, окъуу – дунияны бачхычы.
- Акъылсызны джууукъгъа алма, акъыллыны кенгнге салма.
- Чоюнну башы ачыкъ болса, итге уят керекди.
- Тюз сёз баргъан сууну тыяр.
- Сыфатында болмагъаны, суратында болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Чакъырылмагъан къонакъ тёрге атламаз.
- Кесинг сынамагъан затны, адамгъа буюрма.
- Ёлген аслан – сау чычхан.
- Аманны къуугъан, аманлыкъ табар.
- Келинни – келгинчи, бёркню кийгинчи кёр.
- Джарашыу сюйген – джалынчакъ.
- Эл ауузу – элия.
- Кёпюр салгъан кеси ётер, уру къазгъан кеси кетер.
- Аджашхан тёгерек айланыр.
- Дуния малгъа сатылма, кесингден телиге къатылма.
- Къарын къуру болса, джюрек уру болур.
- Ашхы адам – халкъ байлыгъы, ашхы джер – джашау байлыгъы.
- Акъыл бла адеб эгизледиле.
- Байдан умут эте, джарлыдан ёгюз багъасы къорады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашха уста, юйюнде болсун
- Байлыкъ адамны сокъур этер.
- Билим – акъылны чырагъы.
- Айырылмаз джууугъунга, унутмаз сёзню айтма.
- Сабий болмагъан джерде, мёлек болмаз.
- Иги – алгъыш этер, аман – къаргъыш этер.
- Ишлемеген – тишлемез.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
