Аудио :: Аудио:: Туменова Айшат

Адамны аты башхача, акъылы да башхады.
Хар зат кесини орнуна иги.
Къозулугъунда тоймагъан, къойлугъунда тоймаз.
Мен да «сен», дейме, сен да «кесим», дейсе.
Къуллукъчума, деб махтанма, къуллукъ – хаух джамчыды!
Къоркъакъны кёзю экили кёрюр.
Джахил болса анасы, не билликди баласы?
Юй ишлеген балта эшикде къалыр.
Насыблы элин сюер, насыбсыз кесин сюер.
Кесинге джетмегенни, кёб сёлешме.
Окъуу – билимни ачхычы, окъуу – дунияны бачхычы.
Ач да бол, токъ да бол – намысынга бек бол.
Ариу сёзде ауруу джокъ.
Джукъу тёшек сайламайды.
Тил – миллетни джаны.
Аякъларынгы джууургъанынга кёре узат.
Окъуусуз билим – джокъ, билимсиз кюнюнг – джокъ.
Джылар джаш, атасыны сакъалы бла ойнар.
Ушамагъан – джукъмаз.
Иги сеники эсе да, сюйген кесимикин этеме.
Ёксюзню къалачы уллу кёрюнюр.
Джашлыкъ этмеген, башлыкъ этмез.
Садакъачыны джаны – къапчыгъында.
Айырылгъанланы айю ашар, бёлюннгенлени бёрю ашар.
Билим насыб берир, билим джолну керир.
Зар адамны насыбы болмаз.
Джети тилни билген джети кишиди.
Билеги кючлю, бирни джыгъар, билими кючлю, мингни джыгъар.
Тойгъан джерге джети къайт.
Къайгъы тюбю – тенгиз.
Ёксюзню тилеги къабыл болур.
Билим – акъылны чырагъы.
Эл ауузу – элия.
Къанны къан бла джуума, аманны аман бла къуума.
Эр сокъур болсун, къатын тилсиз болсун.
Тилчи бир сагъатха айлыкъ хата этер.
Биреуню къыйынлыгъы бла кесинге джол ишлеме.
Дженгил джетерикме деб, узун джолну къоюб, къысхасын барма.
Айран тёгюлсе, джугъусу къалыр.
Олтуруб кёрюнмей эди да, ёрге туруб кёрюне эди.
Азыкъ аз болса, эртде орун сал.
Байлыкъ келсе, акъыл кетер.
Ёлмесенг да, къарт дамы болмазса?
Дуния мал дунияда къалады.
Къууут – джелге, берне – бошха.
Айыбны суу бла джууалмазса.
Aдам боллукъ, сыфатындан белгили.
Хар ишни да аллы къыйынды.
Сибиртки да сыйлы болду, кюрек да кюнлю болду.
Телиге от эт десенг, юйюнге от салыр.

Логин:	Регистрация

Пароль:	Забыли пароль?

Запомнить меня

Аудио

Туменова Айшат

Скачать

Адрес