Песен: 3 Создан:
31.08.2019 Обновлен:
31.08.2019
| 27 Апреля | 2024 года |
Навигация
- Тюзлюк тас болмайды.
- Окъугъан – асыу, окъумагъан – джарсыу.
- Аш кетер да бет къалыр.
- Къарнынг къанлынга кийирир.
- Иги адам абынса да, джангылмаз.
- Гугурук къычырмаса да, тангны атары къалмаз.
- Таула не мийик болсала да, аууш табылыр.
- Къартны сыйын кёрмеген, къартлыгъында сыйлы болмаз.
- Къайгъыны сюйген, къайгъы табар.
- Ачылгъан эт джабылыр, кёрген кёз унутмаз.
- Эри аманны, къатыны – аман.
- Ариу сёз – джаннга азыкъ, аман сёз – башха къазыкъ.
- Къазанны башы ачыкъ болса, итге уят керекди.
- Билимсиз иш бармаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Акъдан къара болмаз.
- Иги – алгъыш этер, аман – къаргъыш этер.
- Ишин билген, аны сыйын чыгъарады.
- Кёб джат да, бек чаб.
- Тамырсыз терекге таянма – джыгъылырса.
- Тин – байлыгъынг, терен саулугъунг.
- Терек ауса, отунчу – кёб.
- Эки ойлашыб, бир сёлешген.
- Мени джылытмагъан кюн, меннге тиймесин!
- Аман киши кеси юйюнде – къонакъ.
- Атлыны кёрсе, джаяуну буту талыр.
- Бастасын ашагъан, хантусун да ичер.
- Башсыз урчукъ тюзюне айланмаз.
- Бичгенде ашыкъма, тикгенде ашыкъ.
- Шапа кёб болса, аш татымсыз болур.
- Игиге айтсанг – билир, аманнга айтсанг – кюлюр.
- Ёгюзню мюйюзюнден тутадыла, адамны сёзюнден тутадыла.
- Къанны къан бла джуума, аманны аман бла къуума.
- Чомартны къолу берекет.
- Аякъларынгы джууургъанынга кёре узат.
- Бермеген къол, алмайды.
- Ачлыкъ отха секиртир.
- Джашда акъыл джокъ, къартда къарыу джокъ.
- Мал кёб болса, джууукъ кёб болур.
- Сабийни джумушха джибер да, ызындан бар.
- Ана къолу ачытмаз.
- Ишни ахырын ойламай, аллын башлама.
- Телиге от эт десенг, юйюнге от салыр.
- Эр сокъур болсун, къатын тилсиз болсун.
- Аджашханны ызындагъы кёреди, джангылгъанны джанындагъы биледи.
- Джаханимни кёрмей, джандетге кёл салмазса.
- Кесинг сынамагъан затны, адамгъа буюрма.
- Ана кёлю – балада, бала кёлю – талада.
- Эшекни не къадар тюйсенг да, ат болмаз.
- Ауругъаннга – кийик саулукъ, джетген къызгъа – чилле джаулукъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
