Аудио :: Аудио:: Кузнецов Игорь

Къонакъ кёб келюучю юйню, къазаны отдан тюшмез.
Тил – миллетни джаны.
Иесиз малны бёрю ашар.
Кюлме джашха – келир башха.
Гитче джилтин уллу элни джандырыр.
Ишин билген, аны сыйын чыгъарады.
Джолунга кёре – джюрюшюнг, джагъанга кёре – юлюшюнг.
Агъач халкъгъа алтынды, иссиликге салкъынды.
Чабар ат – джетген къыз.
Билмейме деген – бир сёз
Джумушакъ сёз къаты таякъны сындырыр.
Дуния аламаты сен эсенг да, игиме деб айтма.
Ишге юренсин къоллары, халкъ бла болсун джоллары.
Къонакъ аз олтурур, кёб сынар.
Къыз тиширыу кеси юйюнде да къонакъды.
Мал ёлсе, сюек къалыр, адам ёлсе, иши къалыр.
Билимден уллу байлыкъ джокъду.
Ауругъаннга – кийик саулукъ, джетген къызгъа – чилле джаулукъ.
Ишлерге уял да, ашаргъа табма.
Накъырданы арты керти болур.
Ургъан суудан башынгы сакъла.
Чомартны къолун джокълукъ байлар.
Тюзлюк шохлукъну бегитир.
Баш – акъыл ючюн, акъылман – халкъ ючюн.
Айтылгъан сёз ызына къайтмаз.
Аманнга алтын чыдамаз.
Намысы джокъну – дуниясы джокъ.
Айтылгъан буйрукъ, сёгюлмез
Баргъанынга кёре болур келгенинг.
Бет бетге къараса, бет да джерге къарар.
Бетинги сатма, малынгы сат.
Къобан да къуру да къобханлай турмайды, адам да къуру да патчахлай турмайды.
Къызны минг тилер, бир алыр.
Аууз сакълагъан – джан сакълар.
Къарны аманнга къазан такъдырма, къолу аманнга от джакъдырма.
Алгъанда – джууукъ, бергенде – джау.
Ишни ахырын ойламай, аллын башлама.
Кийиминг бла танылма, адамлыкъ бла таныл.
Тели турса – той бузар.
Акъыллы – эл иеси, тели – эл баласы.
Джарлы тюеге минсе да, ит къабар.
Къанны къан бла джуума, аманны аман бла къуума.
Адамны аманы адамны бети бла ойнар.
Тилде сюек болмаса да, сюек сындырыр.
Тин – байлыгъынг, терен саулугъунг.
Айраннга суу къош, телиге джол бош.
Айран тёгюлсе, джугъусу къалыр.
Айыбны суу бла джууалмазса.
Байлыкъ келсе, акъыл кетер.
Кёлю джокъну – джолу джокъ.

Логин:	Регистрация

Пароль:	Забыли пароль?

Запомнить меня

Аудио

Кузнецов Игорь

Скачать

Адрес